جناح المشاريه !!

[align=center]السلام عليكم ..[/align]

[align=center]اتمنى ان تشفع لي غيابي ..![/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انا كبير وطيحتي طيحة كبار= واموت قبل اصير في عيني صغير
ماني وانا غلاّب بيّاح الاسرار =السر دلو البير والخافق البير
يارب عبدك لاذ بك وانت غفار =ان وصلت الحلقوم ماغيرك مجير
يارب حرّم جسم عبدك عن النار =وقرب لي الجنه وبعّد زمهرير
ابني من احلامي عماير وتنهار = معقول مني جاك ياوقت تقصير !
خليتني تايه على كف الاقدار =صارت طموحاتي مجرد مشاوير
وانا الذي لكسور الاصحاب جبار =وش حيلتي لاصرت محتاج تجبير !
يامهاجره باحساس من غير معذار = منك العذر ماعاد يبقى معاذير
ردي علي احساسي البارد الحار = لاجل انفض اجناح المشاريه واطير!
تفاوت عقول البشر حسب الانظار=ياليت لعقول المخاليق تأجير!
العقل : حكم مؤبد بسجن الافكار = ولا الجنون تعيش من دون تفكير!!
ياهنيكم بعقــولكم ياهل شهار= الكل منكم له مكانه وتقدير
ماذقتوا اغبون ارتفاعات الاسعار =ولابعتوا ذممكم بحفنة دنانير !
ولاظميتوا في زمن شح الامطار =ولا انكسرتوا من هبوب المعاصير
ولارضيتوا فعل عباد الابقار =ولا ارتكبتوا فالشريعه محاذير
ولاذقتوا من الظلم لوعات الامرار =ولاشقيتوا في سداد الفواتير
ولاتدفعون لمن يسكنكم آجار =ولاتولعتوا بعشق الغنادير
ويمكن تعرضتوا لكل الذي صار =واصبحتوا مجنن ولكن مشاهير
اشعوركم صادق ولا انتم بشعار= وتفسرون رموز كل الشواعير
ياهاجسي وقف هنا يدك والحار = خلك مع التيار لاتعكس السير !
الحكم لله ثم لطوال الاعمار = تمسي وتصبح ياهجوسي على خير
مايحرق دمي المشاكيل الاحرار = الا تجاهلهم على غير تبرير!![/poem]