رنين القيد!!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

أزهر الورد يا نيسان في وجنتيها= جعل باقي ورود الارض تصبح فداها!
قل لماء المطر يرفق برمانتيها= قبل تشعر بحباته تساقط علاها!
ثائرة والهدوء المفتعل يعتريها= طفلة في وريد الشمس تحقن دماها!
جفلوها عداها وارهقوها ذويها= وارهقوني ذويها وانصفوني عداها!
قيدوها وانا فوق الغمام احتريها= يسعد الله مسا الغيمة ويسعد مساها
كل ما اسمع رنين القيد في معصميها= قلت هذي يدي يا قيد واطلق يداها
ودي امضي بها مني وصولاً إليها= دام هي محور الدنيا وخط استواها!
هي من الطين لكن نكهة النار فيها= كنها ابنة(بروموثيوس) وادم أباها!
شاعرة ينبع الشلال بين اصبعيها= والرعاء أبلشوها وشربوا نصف ماها!
كل ساعه تذود القوم عن راحتيها= مر تغضي حياء ومر ترفع عصاها!
جات تعطيني اجر( اني سقيت لابيها)=ما درت باني اشرب من شظايا شفاها!
قلت اصابعك ثروة غالية خبئيها= قالت الناس تبغى شي يقطع ضماها!
الله اكبر عليهم والله اكبر عليها= كيف بخلوا وهي كيف اجزلت في عطاها!
وش عليها لو اكل الطير من راحتيها=دامها محور الدنيا وخط استواها![/poem]