الزئبق الاحمر ومكائن الخياطه

بسم الله

ايها الاحبه

راجت خلال هذه الايام اشاعه جعلت الناس تتهافت على المكائن القديمه

حتى اصبحت ذات المئتين ريال تسام بمبالغ خياليه

واليكم هذه الوقفه المتواضعه مع هذا الموضوع

00000

000

0

[poem=font="Simplified Arabic,6,black,bold,normal" bkcolor="transparent" bkimage="" border="double,3,gray" type=2 line=1 align=center use=ex num="0,black""]
لاوالله الاّ قام حظ المكينه = وقامت تخاطَفْها يدين الزباين
وصارت بعين الناس سِلْعه ثمينه = إيرَوّجِ لْها والخلايق تعاين
وسوّامها فالسوق يرطن رطينه = ومديونها أصبح مع الناس داين
وفي وصفها ضاعت عقولٍ فطينه = وقامت تفتّش بين سمر المكاين
عَنْ وحّدَه سمرا ولاهي متينه = انْحيّفه فيها تِبين البواين
في جنبها وشم الأسد ناقشينه = امْكَشّر الأنياب والوجه شاين
ومابين إبْرتها وباب الخزينه = مابان للجوال والبرج باين
وموديلها المعروف قفّت سنينه = مبْطي من ايّام الهلل والكباين
ويامَنْ على ( سنجر ) يفرّك يدينه = وودّه يسابق في سباق المزاين
الزيبق اللي دوّخِ مْدوّرينه = فََرّحْ قلوب اهل الحسد والضغاين
اتْشيّع انّه فالمكينه رهينه = وحنا لِمطْلِقْة الإشاعه رهاين
عالم غريب ونَصْب واضح بعينه = لو روّجوا له فالقرى والمداين
ويبْقى شهر ابريل يامصدّقينه = تَكْبر به الكذبه وترجع هواين
هذي الحقيقه عقب شفنا المكينه = قامت تخاطَفْها يدين الزباين
[/poem]