!! ... ذكرى مواعيدنا ... !!

للتواصل

وعذراً على الغياب

.




[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
ذكرى مواعيدنا في الذاكره لاتَزال = وأيّامنا .. الوقت والتاريخ والأمكنه

وملامحك في الرّضا وملامحك بـ .. انفعال = وتمرّدك جد ولاّ ضّحك .. والمَسْكَنَه

وجمالك اللي عجزت أشوف مثله جمال = وتشكيل عودٍ عظامه كلّها ليّنه

وأنفاسك أطيب من الكادي وريقك زلال = والثّغر واللول والعنّاب غالي اثْمِنَه

ياللي بـ .. حَلا عيونك أحرجت المها والغزال = الصّمت يذبح ببوح بكلمةٍ محزنه

كان االتّنهاد في صدرك من أربع ليال = شفني على حالك اللي تعيش قدلي سنه

تضيق بي دنيتي مع كل ميلة ظلال = وأحرّر الدمع من عيني .. ودمع أسجنه

أخفي عن الناس وجهي وآتحاشى السؤال = خايف مواري غيابك داخله بيّنه

أفرح لا جا الليل لنّ الليل فيه انعزال = والعاشق الليل عند الحزن يستحسنه

لا حَس بـ ..الهم في صدري .. ينادي تعال = حِمْلِك و همّك تحت جنح الظلام ادفنه

ياحلم عمري مضى عمرى مافيها جدال = ابعد واببعد ولو ماهي علي هيّنه

صبرت مدّه لعلّ الحال حلم وخيال = وأخذت من ماضي الأيام لي عيّنه

لقيتك اللي قطع بيديه حبل الوصال = وأنا على كل نبضة قلب مستأمنه

خلاص مابي أكثّر حكي وأفتح مجال = خايف تسولف بـ..اسمي واسمك الألسنه
واعرف تراك أنت عندي غالي ولا تزال = وطن ولو صار صعب اليوم أستوطنه[/poem]
.