نصوص مرقابية راقت لي

من شيخات القصايد اذا لهن شيخات
للرائع / نايف معلا


يا فرح دنيـاي مـدري يـا نديـم أحزانـي
يا فضـا حريتـي يـا سجنـي ويـا قيـدي

يا سماي إن ضاق صدر أرضي ، ويا جنحاني
يـا مـورَّد ليلـي الظامـي علـى تسهيـدي

كيف أبحكي لك وأعبَّر عنـك وأنـت لسانـي
كيف أبشرح لـك دوافـع صمتـي وتنهيـدي

كيف وأنت الكيف في سحـري وفـي تبيانـي
أقتلك بالصمـت وأنسـى فضلـك بتخليـدي

يمكن إحساسـي بتحجيمـك كبـر وأشقانـي
وأنت الأكبر مـن خلافاتـي ومـن تأييـدي

ما حجب صوتك صدى صبري ولا سلوانـي
ولا غطت شمسـك كفـوفٍ همَّهـا تحييـدي

حاولـت تجنـي عليـك وتعتبـرك الجانـي
ولا جنت غير التشـرَّد والظمـا مـن بيـدي

وحاولـت تدفنـك حـي وتستحـل أوطانـي
ولا أستحلت سرب واحد من سمـا تغريـدي

عذرها إنك حجتي ، وشهـودي ، وبرهانـي
وعذرك إني ما أعرف كيف أنحني يا سيـدي

ليـه أذم الحاقديـن ، الحاقـديـن أعـوانـي
آثروا هدمي وصـاروا عـون فـي تشييـدي

زودنـي بالحجـر ليـن أكتـمـل بنيـانـي
وأكتملـت بليلـةٍ تشـبـه ليـالـي عـيـدي

مشكلتهـم حسـب تقديـري وظـن إحسانـي
من كثـر مـا يفشلـون استكثـروا تمجيـدي

والله إن جحودهـم مـا زاد غيـر إيمـانـي
( ما.. ) نفيه مثل حرف ( النون ) في توكيدي

وأنت ياللي كنت شي ، وصرت شـيٍ ثانـي
لو تهقوى ما أخلفت ريحـك هقـاوي حيـدي

أحترم رأيـك ولكـن منـت فـي حسبانـي
وأعرف إنك عارف وداعي سرورك بـإيـدي

مير أنا مانيـب مـن يـدك القصيـرة دانـي
وعظم كيدك باله أقصر مـن رويـدا كيـدي

أيه أنـا المتنبـي بنصـري علـى عدوانـي
والوعـد قــداَّم ياكـافـور يالأخشـيـدي

لو هدمت أركان غيري مـا هدمـت أركانـي
وفكرك المحدود مـا يقـوى علـى تحديـدي

لا تحـاول تقنـع النـاس إنـك العقـلانـي
بوش كان أشطر وجاته مـن يديـن الزيـدي

وإلا أنـا مانيـب متـزمَّـت ولا علمـانـي
والأصالة فـرض عيـن بـفلسفـة تجديـدي

والحداثـة فـي بعضهـا نالـت استحسانـي
لكن الأبقى والأفضـل ( شعرنـا التقليـدي )

والدليـل إنـا عرفنـا ( بديـوي الوقدانـي )
قبل ما نعرفك ( يا كافورنـا الأخشيـدي ) !


..