ورود الكلام

نزولا عند رغبة البعض .. و أولهم العزيزة وجد ..اتقدم بعربون محبة لمرقاب المواهب ..
بسطور متواضعة اتمنى ان تجدوا فيها ما يرضيكم ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بكتب على صدر القصيد اليانعه اوراقه= قصة سواليفي معه من يوم ما قابلني
الليله الليله بيلقى خافقي خفاقه= وآكحل عيوني بشوف اللي غلاه اشغلني
وآعلم ورود الكلام تجيه باقه باقه = تشرح بعطر انفاسها كيف الوله قاتلني
وآنسّي احلامي تعب مشواري وارهاقه= لو كان واقع وصلنا معروفه مكبّلني
شفته لفى يمّى واثر خطواته السباقه = ترسم على خدي علامات و حيا خجّلني
مد المشاعر خلها تاتي كذا منساقه = اصلاً بدون حروف كل احساسها واصلني
دايم احاسيس الغلا فـ عروقنا دفاقه= ودايم مفاتيح الكلام تضيع و تغربلني
حاولت اعبر مير ماحصّلت غير اطراقه = من يوم يومه والحكي عند اللقا خاذلني
من قل ادب شوقي معه اسكت وانا مشتاقه = من زود ادب حبه معي يرويني و يذهلني
حتى الغرام اللي كتبناْ بقائمة عشاقه = يشهد لنا .. ما خنته ولا حاول يبدلنّي
ود و وفا .. طهر و نقا .. ماهي بأيّ علاقه = نورٍ مشى فالنور من حصّلته و حصّلني
هذي فعايل من غرق فالحب لين اعماقه = وهذي سواليفي معه من يوم ما قابلني
[/poem]