مـصـافــحــتــي الأولــى لــكــم "كــــرت الـــشـــعــــر"

أحبتي أعضاء و مرتادي المرقاب ....

يشرفني أن أكون بين كوكبة نجوم هذا الصرح الرائع و الجميل...

جزيل شكري لمن دعاني و أتمنى أن أقدم ما يحوز على رضا الجميع..

"كــــرت الــــشـــعـــــر"

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي حاولت تغييري لكنك ما قدرت=و انا ادري انه من كثر حرصك على أهميتي
قل اقتناعك في كلامي لانك أصلا ما حصرت=اللي يدور بفكري و يطغى على نفسيتي
أنا الصراحه مبدأي الأول من أول ما اعتبرت=ان كل" صوت" من لساني صادرٍ من نيتي
لها السبب شي ما اقتنع به ليش أقوله ؟ لو جبرت=أنا خلقت أعامل العالم على سجيتي
أهل التودد و الكلام الزور بخطاهم ما سرت=للناس هذي منهجيه غير منهجيتي
لو نفترض إني أتخذت بدرب هالناس وصبرت=ممكن أحصل غايتي بس افتقد هويتي!!
ويمكن كبرت بعينهم لكن بعيني ما كبرت=لان الوصول الغير شرعي خالف لشرعيتي
على يدين الناس لو أشرب بشربي ما شعرت=أقطع ظماي ليا وردت الما على مطيتي
ولا اقول و الله طول عمري ما عثرت ... إلا عثرت=لكن إيجابيتي تطغى على سلبيتي
وإذا تجي الشهره بهالمنطق عساني لا اشتهرت=الشعر ماهو همي الأكبر و لا قضيتي
الشعر يبقى ثانوي فيني لو اني ما نكرت =إنه مؤثر في علاقاتي و جماهيريتي
لكن قبل كرت الشعر ملكت لي مليون كرت=من المراجل .. و العلوم السفره .. و حميتي
أنا الصغير اللي بغلطات أكبر القوم اعتبرت=و انا الكبير اللي فرضت وجودي و شخصيتي
و لو ماني محافظ على مبادئ أسلافي ماصرت=شاعر تترجم فكري الموثوق شاعريتي
و من لايقدرني لجل شخصي ليا مني حضرت=من شان جزلات القصايد لا يقدر جيتي..

[/poem]