اليك...سيدتي

السلام عليكم..

بعد ذلك الغياب الذي ارهق مشاعر شاعرك...تذكرت.. ليس منظر الغروب فقط

بل منظر مجرى دمك بظهر كفك عند مصافحتة الوداع الى الوقت المجهول..عند الغروب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا اللي بياض اليد بين عروقك=ياليتني فيها مع الدم ساري
اسبح لجل آصل لضفة خفوقك=واعلن معا ذاك الوصول انتصاري
شهرين من غبتي اناجي شروقك=لو اقبل الثالث .. هجرني وقاري
ان كان دمع العين لمعه يروقك =صمت الوعس يدري وانا عنك اداري
من يكشف الهملول الا بروقك=يالي بكا لك كل جدرٍ بداري
وانتي الكحل قد زين حدود موقك=ياعينها الي شفت فيها اعتباري
ماتخفي الزينه تناهيد شوقك=وما ينتظم نبضك ليا ذاع طاري
حبك وسط قلبي قطف من عذوقك=وحبي وسط قلبك من الزيف عاري
مابي حقوقي بس ابعرف حقوقك=خلي قرارك يلتقى مع قراري
فاق الغلا وصفك ولا هو يفوقك=والهاجس اقبل عقب طول انتظاري
رفرف .. جناح السعد منهو يعوقك؟؟=دام ان وضعي فيك يالشوق ضاري
يالحزن .. فيها جعلني ما اذوقك=لاني ليا ذقتك علنت انكساري
دام القوافل سارت فحد نوقك=لاتصطدم معها .. وجنب مداري
منهو الذي ماقد سقيته غبوقك=يامر طعمك يالعدو .. المشاري
وانتي تعالي لبا مفرق عروقك=يام البياض اللي محدد مساري
قدني معا دمك وصلت لخفوقك=واعلنت فوزي يوم حل انتصاري
[/poem]

عندها... لم يبقا سوا الاعتراف