ديوان ضيدان بن قضعان

ديوان ضيدان بن قضعان

**

يابنت

**[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

لعيونك السود جيتك رافـع راسـي=شيخ خذا ثار خاله من ولد عمـه
لعيونك اقبلت لاذاكـر ولا ناسـي=بعت الحياة وشريت الموت با القمه
لعيونك اللي نفتني لكـن احساسـي=عيا يصـدق عيـون مالهـا ذمـه
جيت اقتل الذل وأسكن قلبك القاسي=ظميت واوفيت وجيت ادور الضمه
يا بنت انا طحت لكن طحت متواسي=ولا زلت لرضاك لا شرق ولا يمه
لو يوم عنك يسج القلـب متناسـي=عهد علي لقتله واسقيك من دمـه
يا بنت انا ينتخيبي ساسي الراسـي=وإن مامدحني قصيدي ليش ماذمه
يا بنت بشتي وقدي وأعرف اقياسي=واللي حكى فيه ضميني على غمـه
يا بنت لو قيمتي في مظهر لباسـي=كسيت ثوبي ذهب من كمـه لكمـه
عزيز نفس وغرورك ماطوى ياسي=ولعيونك السود جيت بحزم وبهمـه
يا فرحتي يا ربيعي وأهلي وناسـي=البيض خالات كل الزين وأنتي أمه
[/poem]

**

ياوجودي

**
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا وجودي كل ما هبّ صوتك من شمـال=وجد من حدّه زمانه على اللي ما يبيه
ويا وجودي كلما اضحيت ثم مال الظـلال=لا غفت عيني ولا ذقت شي ٍ مشتهيه
وجد من قفّى وهْو في رجا كلمة تعـال=وإلتفت من عقب ماْ اقفى ولا أحد ٍ لدّ فيه
ويا عذابي لا دنا الليل من روس الجبـال=وانتهى يوم ٍ من العمر ما عاد أرتجيه
وانتي أبعد من سما الحلم ووصالك محال=يا بعد من هلّ دمعي ضحى الفرقا عليـه
يا غناتي لا تحسبين دمعي يوم سال=ضعف ولاّ خوف ولاّ كذا ولاّ كذيـه
والله إني من رجال ٍ يضدّون الرجـال=لكن الحظ ّ الردي ساق دمعي كل أبيه
ووالله إني كلما دار حوليك الجـدال=قمت كنّ الموت يشّر على قبرى بديه
ووالله ان قد لي وانا اصّد لا جالك مجال=صدّة اللي لا تضايق تذكّر قبر أخيه
ومن سألني قلت مدريوإذا عاد السؤال=قلت له تكفى سؤالك ترى ماهو وجيه
وش تبيني اقول عن من ترى ذبحي حـلال ؟=والخطا منها عليّصرت أحبه وأهتويـه
عذرها لو ماْ تْعذّر مثل واضرب مثـال=واحد ٍ ما يعرف الحرّ الاشقر يشتويه
وان رجعنا للتواصيف لله الكمال=لانتهى ليل المزايين جاتـك تبتديـه
كنّها غفل ٍ مع البدو طاويها الحيال=ما يميّز وصفها إلا نبيه ٍ من نبيه
وآهني اللي وصلها وذاق من الزلال=شربة مع غفلة الناس من فيها لفيه
ياْ اول أحلام الطفوله على حد ّ الخيـال=الرجى باللي حمى البيت من حملة بريه
حال دونك سيف عنتر وتاسع حول حـال=باْثر حول ٍ حال دونك وانا ادعى هيه هيـه
هيه ياللي غرّك الحسن واطغاك الجمـال=والله أني اموت ما شفت لأوصافك شبيه
لو يسام الحسن والتيه بجنيه وريال=ما بقى في سوق غيرك ريال ولا جنيه
كيف أهدّك للمقادير وانتي راس مـال؟؟=راس مال ومالوالمال ماْ يغطي السفيه
حافظك حفظي لعيني ورمشي لك جـلال=وانتي تْشحّين بالماوانا شفّي مويه
شايف ٍ ظلمك وساكت وطال الليل طـال=لا نويتي طعن قلبي وانا ما قلت ليـه
لو بقى للهيل صبر ٍ على فوح الـدلال=ما بقى للهيل صبرٍ على شي ٍ يجيه
وانتي تْسوقين عقلي على حدّ الهبال=تحسبين ان من بغى شي يقدر يشتريه
ولاّ انا يا وجد حالي وجود ٍ ما يقال=وجد من ضحّى بغاليه لْرضا والديـه
ويا وجودي بأول العمر قبل ألبس عقال=وجد من باع آخر العمر في رغبة ذويه
ويا وجودي كل ما هبّ صوتك من شمـال=وجد من حدّه زمانه على اللي ما يبيه
[/poem]

**

ذكر الحيا

**[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

سبحانك الله لا اله ألا أنـت ياكـرم الأكرميـن=يـا عالـم أحـوال الأوادم ياكفيـل أرزاقـهـا
أستغفرك يارب وأسجد لـك سجـود الخاشعيـن=سجـود عبـد" دمعتـه مـن خشيـة الله راقهـا
وفي جلسته من سجدته صلى على طـه الأميـن=وأهـل المبـادي حبهـا وأيمانهـا بأعماقـهـا
وعلى رسـول الله خاتـم الأنبيـاء المرسليـن=أفضل سلامي مابدت شمس الضحى با شراقهـا
والبارحه يا رشيد وين النوم ويـن النـوم ويـن=وسمر السحايب في سماها مـا فصـل براقهـا
يـا رشيـد قـل للطيبيـن المؤمنيـن الغافليـن=الايـام فالدنيـا شــوي ويتكـمـل غلاقـهـا
وأصحاب الأمس اللي نسونا الغايبين الحاضرين=علمهـم أنـي مـا لتفـت لغصنهـا وواراقهـا
علـم وقـل للحاضريـن يعلمـون الغايبـيـن=ان الأمـم أخـلاق تبقـى مـا بقـت أخلاقهـا
والله لـولا الله ثـم حشمـت وجيـه الطيبيـن=اللي على الشـدات ترخـي للحمـول اشناقهـا
لعلم الغاوين كيف العـب علـى بليـس اللعيـن=لاكني أكبـر مـن جـلال علومهـم و ادقاقهـا
و ان سادت الفوضى المدينه في عيون الحاسدين=هديـت لعبـي والمدينـه عامـره بـا سواقهـا
يا رشيد قل للشاعر اللي كان مين وصـار ميـن=اللـي بـدا يعـرف بعيرتهـا ويعـرف ناقهـا
لو يجتمع شعر الفرزدق مـع ادب طـه حسيـن=مـا ترتفـع روس" تلفتهـا سـبـب دناقـهـا
وقل لليتيم اللي يطالبنـا علـى غـزوة حنيـن=اللي يحسـب أن كـل غفـوه لا غفاهـا فاقهـا
لا يحسـب انـا لا تجاهلنـا الجهالـه جاهليـن=الجهل جرين فـي نحـاء الدنيـا لشلـة ساقهـا
واللي جهـل لابـد يتعلـم علـى مـر السنيـن=ولا يميـز طعمهـا يارشيـد مــن لا ذاقـهـا
وانا ترى يا خيك ما عنـدي يسـار و لا يميـن=وأن كذبـة علقتهـا يارشيـد فــي معلاقـهـا
عرفـان معـروف أعتـرف وسيـد العارفـيـن=ما فيه داعـي أفتـح الشاشـه وعيـد أغلاقهـا
يارشيد انا عذري مثل تكرم مدينه لجـل عيـن=ولفت انتباه الناس عنـدي غيـر لـف اعناقهـا
وذكر الحيا والطيبين يبيـن واللـي مـا يبيـن=ما لا حدث او صار في الدنيـا علـى أطلاقهـا
وإسلـم وسلـم والسلامـه ياعشيـر الغانميـن=والله يخلـي للـبـلاد إحجابـهـا و رواقـهـا
[/poem]

**

العيون

**[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يا مرحباً ترحيبةٍ تجـرح الـروح=لا ني بقايلهـا ولا نـي بساكـت
تقولها عيني وأنا اصد ما بـوح=من الزعل وورود الاحباب شاكت
باللي لفت عقب البطا تلعن النوح=بعيونها لو كان هي مـا تحاكـت
عينٍ لعيني تشكي البعد وتفـوح=بدموعها والعين الأخرى تراكـت
على الجفون وما لها أي مصلـوح=سوى رضى اللي في لقاها تشاكت
كنت أحسب اللقيا مسرات وفروح=واثر العيون ليـا تلاقـت تباكـت
[/poem]

**

الجادل

**
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الجادل اللي يمـر القلـب شارعهـا=بيـن الحنايـا تعـدي ماتطالعنـي
تقفي مع الدم بعروقـي واتابعهـا=واحس كنها على نفسي توزعنـي
قامت تبعثر غلا وان جيت اجمعهـا=اضمها واتشتـت ليـن تجمعنـي
بين الحنايا تثنـي فـي مرابعهـا=كنها تقـول اتحـدى مـن يطلعنـي
دام الحشـا بيتهـا وانـا مدلعهـا=وش دخل القلب يزعل يوم توجعني؟
وليا خذا رمشهـا رجـل يطالعهـا=لعـل رمـش خذانـي مايرجعنـي
عيونة جيـوش والنظـرة طلايعهـا=غارت بصدري وجاز لسيفها طعني
ويوم انكفت لين قلبي مـن قلايعهـا=والصبر عن خافقي ماعاد ينفعنـي
مادهلها القلـب وعيونـي مراتعهـا=اموت فيها وهي للريـح تزرعنـي
ريحانتي والغـلا بالقلـب زارعهـا=تشرب عروقي وترواني وتشبعنـي
كان النحل من رحيق الورد مشبعها=وانا شموخي من احلا شي جوعنـي
وليا تعانق خجلهـا مـع تواضعهـا=عانقت ليل على مسـراه شجعنـي
لوينسري ليلهـا سريـت بايعهـا=بشر ولا اللة عن الزلـة مرفعنـي
واصبحت من عقب ماني ضدها معها=ان ضاعت اضيع وان دلت تسنعني
للجادل اللـي شراينـي شوارعهـا=القلب يقتادنـي والنفـس تمنعنـي
[/poem]

**

العمر مشوار

**
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يـا لله ياللـي اليـا ضاقـت تفرجهـا=يا فـارج الهـم والضيقـات والكربـه
يا مخرج العبـد لا ضاقـت مخارجهـا=عن موقفٍ يطحن السربه ورا السربه
افرج لمـن كايـد الطرقـات ينهجهـا=لو ماش بكره ولا مزهـب ولا قربـه
بمرك يهوم الدروب ايليـن يسهجهـا=ولولا الرجابك قصر ممشاه عن دربه
ثم الرجـا فـي رجـالٍ مـا يخالجهـا=في نفوسها شك والطيب تفاخـر بـه
شرواك ياللـي اليـا صكـت نعرجهـا=صوبك شمال الشموخ وشرقه وغربه
ننـصـاك نرثعبـهـا ولا ندرجـهـا=ومن شاف وجهك نسى الهم وتباشر به
يا من تسر النظر والنفـس تبهجهـا=أنا أشهد ان العيون لشوفتـك طربـه
لو حدها عنـك شـيءٍ قـام يحرجهـا=من علةٍ جات والاوضـاع مضطربـه
والعله اللـي نحولـي مـن نتايجهـا=ليـه أتعبـر بهـا يالهرجـه الذربـه
لا صار صبري عليهـا مـا يعالجهـا=ما عاد لي عذر وش عـاد أتعذربـه
هب الهوى والسفينـة قـام يدرجهـا=موج يهول العقل في جمبهـا ضربـه
امـا نطحهـا الهـوى ولا تولجـهـا=ولا كل من غربوا عادوا مـن الغربـع
البحـر غـدار وامواجـه تموجـهـا=يخفي المنايا وصوت الموت يجهربـه
الاقدار تخفـى نجـومٍ فـي توهجهـا=ويموت ميعادها اللي كان تظهـر بـه
قلتـه والايـام مدخلهـا ومخرجهـا=ما هوب مثل الجمال اللـي تظاهربـه
عـادات الايـام لـو يغـري تغنجهـا=لا بد بيـن الضلـوع تمكـن الحربـه
ومن لا يشد الرسن بيـده ويسرجهـا=ويضرب بها كل ربـعٍ كايـدٍ ضربـه
يموت من ونةٍ مـا أحتـال يزعجهـا=وحسبه على اللي عن اليمه تياسر به
وكثـر القنـوات ومتابـع برامجـهـا=ما تلحق الرجـل مقصـودٍ يفكـر بـه
والايام كثر التـرف فيهـا يسمجهـا=والعمر مشوار والرجـل إيتعبـر بـه
[/poem]

**

*
لبّا عيونك

**
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لبّـا عيونـك ولبّـا خـدّك وخـالـه=ولبّا المحيّـا ولبّـا الليـل والشّفّـه
فديـت عمـرك بتجريحـه وغربالـه=لو تشربه لارض غيره والبحر جفّـه
هلّي كما البدر غيضـي كـل حفّالـه=وسجّي عن الليل لا يلهيك في صفّـه
وهزّي على صوت رجف القلب وهباله=الطـار قلبـي وكـفٍ توجعـه شفّـه
يا شفّة العيـن قبـل تجيـن جمّالـه=وجيتي ولا شفت غيرك لو رفع كفّـه
كنّك لحالك حضرتي الحفـل فالصالـه=ولا شفت غيرك بشر يا قمّـة العفّـه
أنتـي زعيـمٍ رفـع للقـوم فنجالـه=وكـلٍ تعـذّر شروبـه ليلـة الزّفـه
وانتي بيمنى الحلا والنـاس بشمالـه=ثقيلة العقـل فيـك الـدم يـا خفّـه
احيي قصيدٍ بغيت ابكي على اطلالـه=في غيرك يموت لو أحييـه وازفّـه
وان عـوّدت للغـلا غـلاك بلحالـه=أنتي بكفّه باقـي النـاس فـي كفّـه
[/poem]