((هــــــــم الحــنايــا))

يوم غبتي عن عيوني

ليه صار

وكيف صار

وانت تدري في غيابك

ماكسبت الا الظلام وماخسرت الا النهار

بس ودي ياحبيبي اهمس افاذنك بشي

وحتى لاتزعل علي

يمكن انساكم فاللحظه وهذي اللحظه متى

يوم انا ماكون حي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياأنسة لاتسأليني في غيابك كيف أكون=عذرا لك على سوألِ ما بقول أجابته
أهون على اموت من صبري على ظلم الطعون=ولا أصحي همي اللي فالحنايا كابته
قطعت الك كل المسافه والتعب عندي يهون=ولا بقى غير الطريق اللي تعاوى ذيابته
والليل أسرف في ظلامه وامتلا صمت وسكون=لكن بقت رجلي على وجه البسيطه ثابته
ظلامه أشبه بالعمى وان قلت وش ذنب العيون=اقول ماكانت تباه وقدرة الله جابته
فلا تلوموني اذا ماخلت براق المزون=وياليتها تدري عن اعيونِ ظمت سحابته
واذا الظما يهابه اللي يحرثون ويزرعون=فالناس لو ماالموت من بعد الظما ماهابته
وانا اموت من الظما ويكون بعدي مايكون=لكن تعيش الورده اللي في ضلوعي نابته
أستغفر الله والقصيد اللي حداني للجنون=وشلون ينساني وانا اللي مانسيت اكتابته
ياصاحبي والليل طول (والحديث ذو شجون)=وصاحبك شوف اقدار عمره كيف اهي سوابته
احيان يرضى بالمصيبه والصبر على الغبون=واحيانَا يقول المصيبه ليتها ماصابته
لكن ماهمه ولو عاب الكثير من الظنون=أهم شي انه (رحل) والناس ماقد عابته
صحيح جرب والتجارب كل شكل وكل لون=وازداد وازدادت على مر الزمن ذرابته
وعرف بان الحزن (كافر)والغلابا يعرفون=ولاّ على ايش الكئيب يموت من كئابته
وان الطعون اللي غدر لو جات من صاحب يمون=طاح الشجاع اللي على قبره تباكى لابته
وبدون لاأوصف شعور الغبن والضيقه بدون=أسأل يتيمِ شاف كل الظلم من قرابته
وان الطغاة اللي بنوا فالارض اسوار وسجون=فأعناقهم دين وملايكة السما طلابته
فذبابة النمرود في قرن ِ مضا من القرون=طغى واسرف لين ربي عاقبه بذبابته
هذي ثوابت مايغيرها كلام المبطلون=حتى ولو ان الزمن تغيرت ثوابته[/poem]