قصيدة وألغاز نادرة لم تنشر من قبل للشاعر/ فيصل الرياحي

السلام عليكم ورحمة الله وبركاتة

الشاعر فيصل الرياحي وقصيدة نادرة ومجموعة ألغاز نادرة لم تنشر من قبل

كان قد أرسالها لشاعرنا أبراهيم بن سعد العريفي الخالدي

أحاول هنا في هذا المتصفح الخاص به أن أذكره بالخير لأنه

رجل كنت ولازلت أكن له التقدير والإحترام الشديدين

رغم عدم معرفتي به شخصياً ...

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حضر هجوسي اللي ماعصيته=لزوم أنه يجي لو مادعيته
بغيت الصبر لكن ماقويته=مناي وسلوتي بدع المعاني
معانن يوم أصرفها تسلي=أوأسمعها المفكر مايملي
أحللها بتحليلي وحلي=نتاج الفكر وإخراج اللساني
أميلها وأعدلها بكيفي=وأنصيها وأخص أبها العريفي
كريم الخلق رجالٍ شريفي=خبيرٍ بالقصيد أبكل شاني
أبراهيم الفهيم أبكل إجابه=كما بحرٍ تلاطم به أعبابه
بحر من شعر يغرق من هقابه=معاصر للحياة وللزماني
أبا سولف مع الرجل المجرب=طويل الباع صنديدٍ معرب
بليهبي على الشدة مدرب=يشيل الحمل ماهوب أمتواني
تسمع يالعريفي في كلامي=بعد واجب التحية وأحترامي
زهمت الأسم عاشن الأسامي=أبراهيم السعد علمه لفاني
لأنه في مجال الشعر رايد=أبهدي له من أبيات القصايد
أبيوتٍ ماقروها بالجرايد=ولانشرت بدار الأصفهاني
[/poem]

الشاعر الغائب الحاضر فيصل الرياحي

_______________

اللغزالأول:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا يابو سعد بنشدك منهم=أثنينٍ خالق الدنيا فتنهم
نزع مولاك تاج العز منهم=ونزلهم من أعز المكاني
أثنينٍ بالعذاب مخلدينا=على طول الليالي والسنينا
جزاهم يوم صاروا خاينينا=بسرٍ علموه المودماني
[/poem]

اللغز الثاني:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلامي واضحٍ ماأبعدت رسمة=وش اللي روسها خمسة وخمسة
من أجل أتحلها نعطيك همسة=تطوف وتلمس الركن اليماني
لله درها ياعارفينا=كريمة عند كل الأكرمينا
تعرفها يابو قلبٍ فطينا=وعلمني بها في بيت ثاني
[/poem]

اللغز الثالث:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أثنينٍ غيرهن بنشدك منهن=حفضهن خالق الخلق وضمنهن
أسئل الله لايبعدك عنهن=ترى هن لك من البلوى ضماني
إلى ناديتهن من قلب جنك=وأن كان الخوف بقلبك أمننك
ويمكن من ذنوبك ينقذنك=إذا دعيتهن سر وعلاني
[/poem]

اللغز الرابع:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وخبرني وش الرجل السريعي=إلى منك زهمته لك يطيعي
يدل الدرب دايم مايضيعي=إذا سولف براسه مايداني
وله بنتٍ تعلمك اللكاعه=تسولف من جماعه لاجماعه
تقبلهم على سمعٍ وطاعه=ولاتستحي من قاصي وداني
[/poem]

اللغز الخامس:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كذلك بنشدك وأنت الخبيري=عن غلامٍ تقلابه كثيري
وعينه عين وحده تستديري=وش المخلوق يالله المستعاني
ترى عينه يشوف أبها مراده=وأنا بالوصف وضحته زياده
أبي من شاعر العرف الأفاده=عن أبو عين قول أسمه فلاني
[/poem]

اللغز السادس:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

أو قلي ويش هاذيك الجميله=مع الناس التعارفهم وسيله
بنبذ الغيض والبغضا كفيله=من أضهرها تزاد داله الحساني
[/poem]

اللغز السابع:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

أو قلي ويش عشر البناتي=بناتٍ يالعريفي صالحاتي
أبوهن شيخ يقضي اللازماتي=يجيب إلك المطالب في ثواني
[/poem]

اللغز الثامن:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

كذلك بنشدك عن شخص خادم=خلقه الله قبل حوا وآدم
إلى ذا الحين مابين الأوادم=خفيف النفس ماقال أمتواني
شرابه ماحدٍ يشرب شرابه=ياكود اللي من أصله وإنتسابه
ولايشرب ياكود براس نابه=وله تسعه وعشرين أسمراني
[/poem]

اللغز التاسع:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

وأسألك ثم خبرني بعذرى=مابين أصحابها الخمسة تمدرى
تراها بينه والشاعر أدرى=يرافقها غلام مهذباني
[/poem]

اللغز العاشر:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وخبرني عن الأم العظيمة=لها شان ولها قدرٍ وقيمة
منزهةٍ محشمةٍ كريمة=ولاترضى كرامتها تهاني
لها شيخٍ كبيرٍ عز قدره=ولها بنتٍ تربع فوق صدره
وروسه سبعةٍ ياداري أدره=من الحساد وأكدار الزماني
[/poem]

اللغز الحادي عشر:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وخبرني بسبعٍ ماتباهن=وسبعٍ ياخذن منك مداهن
وسبعٍ بيض بعيونك تراهن=يغيبن وقت ثم يجن بثاني
[/poem]

اللغز الثاني عشر والأخير:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

كذلك وش خمسة ومرافقتهن=فتاةٍ بالكرا عين أمسكتهن
ولهم أم إذا جوها كلتهن=وتبقى البنت تبحث عن أخواني
[/poem]

وفي النهاية يقول:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
توقع يالعريفي ولاتزلي=إذا جازت لك الألغاز قلي
ولاترجع علي بدون حلي=تهج الحرف وأسمع بالأذاني
تقبلها عسى ماهي طويله=أنا خابرك ماترضى القليله
جزيل ولاتحب إلا الجزيله=وأنا ربي على الجزله هداني
معاني وصلتك يالرجل صنها=وأقول لك لاتحل البعض منها
تراها كلها مسئول عنها=إلى حليتها أبعث لك تهاني
[/poem]

وقد حل شاعر بني خالد إبراهيم بن سعد العريفي

جميع الألغاز وسأضع حلول العريفي بعد فتره

بإذن الله ...

رحمك الله يابو بدر وغفر لك

حقوق الطبع محفوظه بقلبي لابغيت أنساك
تذكرتك وأنا كلي أسى والنوم ماجاني

أحمد بن مبارك