صوت وصدى مع الشاعر عايض بن هميجان

مساجلة بيني وبين عمي الشاعر القدير عايض بن هميجان

حيث قلت هذه القصيدة مسندًا له :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سر يا قلم واكتب على امري وشوري = وسطّر على بيض الورق كل تعبير
عبّر وربّي عالم(ن) بالصـدوري = سبحانه اللي قدّر الكون تقدير
وأرسل لأبو سطام عاجل ضروري = تقرير من صدري ويالله عسى خير
حيث إنه اللي بين كل الحضوري = يملك مفاتيح المعزة عن الغير
عمي وفي شوفه شوفه تحقق سروري = ورفيق أبوي وله معزة وتقدير
ولو كان أبويه غاب تحت القبوري = ما ينقطع بره بوصل المناعير
ولو مرّت أيام السنه والشهوري = ما ينقطع حبل الوفا والمسايير
وحتيش لو قال الحماقه غيوري = ما ينفع النمام زيف وتزاوير
الحق واضح والدواير تدوري = واللي وقع فالبير ما غادر البير
وراع النقا له سلعة(ن) ما تبوري=ولاشك درب الظلم كله مخاسير
وأنا أشهد إنك في الخلايق شكوري = وعلى النقا ممشاك ورد ومصادير
يا الشاعر الغطاس غب البحوري = يا الشامخ اللي في جبينك تباشير
البارحه يا عم غنّى شعوري = وحلمت حلم(ن) يلزمه منك تفسير
حلمت بإني راكب(ن) فوق لوري = ومحمل(ن) فيه الذهب والدنانير
ومتمسك(ن)فالطارة بلا فتوري = أسوقه مع الخط وأعشّق القير
وشفت الزلامي من ورايه صبوري = يلحقني بعزمه وأنا مكمل السير
شفته كشح بالنور ثم دق بوري = وخلفه من الشعار صف وطوابير
ثم قمت من حلمي ووضّيت فوري=وصليت لاجل تزول كل الغثابير
فسّر منامي منت منه معذوري = حيث إنك اللي عالم(ن) بالتفاسير
ويالله عساك بجنته بين حوري = مع المصطفى والصالحين المشاهير
وصلاة ربي كل عصر وسحوري = على النبي الهاشمي فاعل الخير
[/poem]



وهذا رد أبو سطآم "


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يا مرحبا ببيات نسل الصقوري=نسل الحرار اللي جنوها الصقاقير
في ماكرن روس الجبال معموري=يتعب له اللي فاهمن في شمنصير
من شاعرن دوره ظهر عقب دوري=واصبح يصخرني على الشعر تصخير
قلبه على قلب الفقيد معصوري=ما لف عن درب الوجيه المسافير
يالله يالرب الرحيم الغفوري=يا مدبرن شون المخاليق تدبير
تجعل لبو ياسر كرامة ونوري=يوم لجهنم صوت زفرات وسعير
في ماقفن فيه الكلام محذوري=الهرج همس ومحرقتهم زمهرير
يوم السما فوق الخلايق تموري=في دبرت الرحمن هول وتصاوير
واللي بعدها ما جرا من قصوري=مغير حلمن مر ياسر على الطير
والحلم في كتب الصمد والزبوري=ينزل على السلطان مثل النواسير
واللي على بالي يدور ويحوري=يبا يجي شاعر ويكسب جماهير
خلك يابو سلمان مثل التجوري=ما ينفتح لو تضربه بالمواصير
واليا كشفت أسرار كل معثوري=سلّم حصان كليب لمهلهل الزير
واللي ذكرته فالبيوت مخبوري=هذاك ظلم ووزعوه الهوامير
هامور كذب وفالحياة مغروري=وليا تولى دمر الناس تدمير
وقمع الرصاص ليا ضربته يثوري=وذيب الخلا ما عاش بين الخنازير
وأنا ليا جا العلم دقيت زوري=ما همني لو قالوا الصبح وعصير
على سفينت نوح سهلن عبوري=لو طوقوا بطن البحر بالمسامير
أصبر على الزلات وأقصد مروري=من خلقتي مازعل وأنا بزر وصغير
والسد من بين الضلوع محصوري=وأسند على منشي المزون المزابير
وختامها صلوا عدد من يزوري=على نبين حرر الدين تحرير
[/poem]