عند الضروره .... !!

المشاركة الأصلية كتبت بواسطة عايض النفيعي

السلام عليكم ورحمة الله وبركاته
بعد الإنقطاع اللا إرادي ، خلوّها تعدّي بظروفها



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل يردف سوادك نور جلاّي = من حين غاب الشفق ما غاب نوره
لولاي أغمض عنه وأصد لولاي = ألغى غيابه عن عيوني حضوره
وإن كان تظليمتك من عيني وجاي = بروزت لك في سواد العين صوره
رقعتك لا تتسع في عامر أرجاي = ويضيق صدر ٍ مصلحة ٍ أموره
لا تحتديني وأنا محدي على أقصاي = أزريت لـ . اجاري النفس الصبوره
ما عاد ( أدان ) الهوى من كثر الأوماي = ثبتّ فالارض .. مار الارض كوره !!
ماكنّي أمشي رويدا وأحسب اخطاي = ولكنني عايش ٍ وسط معموره
لو زان جو القصيد وزان مسراي = شبه الجزيره ترى شبه مهجوره
ياوين أحصّل خوي للدور حمّاي ؟ = وين أنت .. وين أنت يا حمّاي دوره ؟
ماخلوّا اصحابي ولاشي لعداي = عدوّي أصبح خوي عند الضروره !!
ماقلـّت احلاي والاّ قلـّت أخطاي = زاد البلا في زمان زاد جوره
شماته .. ونمّه .. وخبث .. وتزرّاي = وحياله .. وكذب .. ومخادع .. وبوره
أدرى زعل واحد ٍ ما دوّر ارضاي= وأطرد مشاريه لاحقني قصوره !
ياللي تشبّ الك نار ٍ تحرق اشواي = ولا تبا الكبد تلحقها حروره
حسناك تكفيك .. وش تبغا بحسناي =ومسوّي ٍ خير كافيني شروره
قطع العلاقات ماهو غاية امناي = ووصل القرابات .. حدّه فالخطوره
يافالح الراي علمني وش الراي = يمكنّي أوحيك ماوحيلك مشوره !!
أي والله آعرف داي وعارف ادواي = أخذت من دورة الأيام دورة
لو ماني ابذيب ألج الضلع بعواي ؟ = ضيعت صوتي فالأصوات الجهوره
إلساني احصاني وفعلي بيمناي = وإلسان من لا ذكر له فعل .. ثوره
أما آخصم واحد مثلي وشرواي = والاّ اركدي يا جوارح ومعذوره
ماوالله أنطح سفيه أعطيه علباي = خليط بين العواده .. والبزوره
يقضع على ( سسته ) ويعلج على ( ياي ) = مدهون خدّه .. ومدهونه سيوره
مامت من خوصته لو تبعج اكلاي = يعيش وأدقــّها في وسط زوره

[/poem]


وأنتم سالمين

سلمت سلمت سلمت

اما آخصم واحدٍ مثلي و شرواي
والا اركدي يا جوارح و معذوره


الله يصهرك مثل ما صهرتني بهالبيت

انت تدري اني انسان ثوري و احب الابيات اللي مثل هذي
بس ماهوب ثوري مثل رايك.. لا .. الا على رايي انا...

لله درك و صح لسانك يا عايض و بيض الله وجهك على هذا النص

اخوكم