العــيون الشامته !!

السلام عليكم ورحمة الله وبركاته
اتشرف بطرح جديدي في هذا الصرح الشامخ
واعتذر عن غيابي واتمنى ان تشفع مشاركتي المتواضعه ذلك الغياب ....
[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياأبو رهف كيفك عسى عمرك مديد= وعسى ماتشمت بك عيون الشامته
اليوم جيت وجيت لك بأحلى قصيد = اللي يسدك عن ليالي فايته
الهاجس اللي غاب عود من جديد = وياما حلا ساعاته اللي جابته
وقمت اتمشى فالجزاله والفريد = لين السما قربت علي سحابته
صاحبك ماهمه على خبرك عنيد = ماهمته كبرى الفرص لو طافته
ماهمني بالشعر يبقى لي رصيد = مادام ماتفرق معي علامته
فالريح يثبت كل ماسمي شديد = ولا الهشيم تروح به عجاجته
وماكل من غنى الشعر شاعر مجيد = اهل الشعر فالمستوى متفاوته
وانا بفضل الله خلاق العبيد = شاعر ومحسودٍ على براعته
ولو بعضهم ينجح وهو فكره بليد = سبة نجاحه غالباً وسامته
وان جات لـ الصملات والعلم الأكيد = في وقتها يوضح مدى بلادته
هذا بعض والحين بعطيك المفيد = ومثلك تجيه المعضلة ماحاسته
انا سعد والناس تحسبني سعيد = حظي من اسمي فالحروف الثابته
واخاف من حظي وانا حظي زهيد = من كثر حزني تختلف ثلا ثته
لن كل شي ينقص وهو اللي يزيد = هو كذا حزني وهذي عادته
مجروح وجروحي لها باس الحديد = وقف بها عمري على اللي خانته
وحيد والعالم معي لكن وحيد = كن الزمن يرمي علي ملامته
من حـيدة اللي كنت ما اظنه يحيد = اللي على كذبه بنى علاقته
خلاني اهوبل وانا عقلي رشيد = والآدمي يحسد على رزانته
فرحبي الأقراب واحزن بي بعيد = ونقص قدر نفسه ونفسي عافته
باقي من الضحكات ضحكة ياوليد = شر البلا يضحك وهي من جابته
هذا قدر والله يفعل مايريد = والمحتسب يصبر على قساوته
عبرت عن حزني وانا حزني اكيد = راضي أعبر يـ (العيون الشامته )
[/poem]


وسلااااااااااااااامتكم !!!