أول اهداء

اتشرف بالانضمام الى صرحكم المبارك ويسعدني ان اصافحكم بهذه القصيده لعلها تلاقي استحسانكم
وتطرب اسماعكم . والعذر والسموحه ان حدث تقصير ...


[poem=font="Simplified Arabic,5,blue,bold,normal" bkcolor="burlywood" bkimage="" border="double,5,green" type=1 line=0 align=center use=ex num="1,black""]
1 كفرت بالطاغوت وابـراج الافـلاك=وامنـت بالـرازق مغيـث الهـلاكـا
2 يالادمي صورك واعطـاك واغنـاك=ومن الجهـل تصـرف لغيـره دعاكـا
3 بسطت سبعٍ بالوطى جلـت أسمـاك=ورفعـت سبـعٍ محكـمـاتٍ سمـاكـا
4 تخضع لك ارقاب الاكابر والامـلاك=انـت العظيـم ولاعظـيـم سـواكـا
5 ياربنـا نطلبـك عفـوك وحسنـاك=عفـوك شمـل زلات عبـدٍ عصـاكـا
6 نطلبـك وفقنـا لطاعتـك ورضـاك= وممشاً علـى السنـه ومنهـج هداكـا
7 ياجاهـل بالوقـت حـذراك حـذراك=لـك ساعـةٍ يكتـب بهـا منتهـاكـا
8 (اللي يصيبك لو تتقيت ما اخطـاك)=وان ماكتـب يخطيـك لوهـو رماكـا
9 لله در اللي مـن اعصـور غنـاك=بيت الحكـم طـول الزمـن مامحاكـا
10 لابد ماتعـرف طريقـك وممشـاك=وتشكـر كريمـاً بالفضايـل عطـاكـا
11 بدايتك من تربـة الطيـن سـواك=ومـن حلـة التبجيـل ربـك كساكـا
12 وان كان كل الناس من تحت ماطاك=فعـرف تـرى كـلاً برجلـه وطـاكـا
13 وتعيش في دنيـاك تايـه بعميـاك=تجنـي فلـس كبـرك وهـذا خطاكـا
14 ومرافق الخايب علـى الـذم وداك=في ناتـج المحصـول صرتـم شراكـا
15 وانجاء لزومك صد عنك وخـلاك=في ساعـة الضيقـة عميلـك نساكـا
16 عليـك باللـي لشرابيـك فـكـاك=يفـرح بمندوبـك وطــاري نبـاكـا
17 يضحك احجاجه في مجيك وجمعاك=ومن عين راع الطيـب تلقـى عشاكـا
18 الفرق واضح بيـن هـذا وهـذاك=واعمـل لمـا تفـرح بذكـره وراكـا
[/poem]