محتآج آفضفض !!!!

ــ أسعد الله صبااحكم .. ومساااءكم ,,
متواضعه ..
أمررها ..

أرجو لها القبووووول

يقول :






[poem=font="Traditional Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محتاج افضفض ولا آلقى من يهرّجني = يوم الدجى كفّن اتلع ضو بلحافه
من ضيقة ن من زوايا الضحك تخرجني=وحزنٍ على راس بسطي طال ميقافه
ولاآجد سوى ذكريات ن جوها سجني = مابين تقليب شَفْق وركنِة اعيافه
وين انت يااللي عليك الشوق دفلجني = الصبر جرّبت دونك علقم اصنافه
نبذتني في رحاة اللت والعجني = وتحيزموا زمرة ن في المجتمع آفه
انشد عَنِك نشدة ن تِسفَه وتحرجني = واشوم لو جرح كبدي ينثر ارعافه
فاقدك فقدن على الريدا مدجّجني = مثل العمى في كنف نكّار ماشافه
وصيّرت هم المفارق لو يسارجني = آخف من ثوب محروم ن على اكتافه
اضرم لصوت ن عن اشطوني يبنّجني = وسوالف ن بين طرفات ن ونيّافه
مآاقساك ياناعم ن تزرع ولا تجني = تقول سندان غمرن يتْمِه اخلافه
يامالك اطبوع منها مايخارجني = متناقض ن بين جبر العظم واتلافه
وكنك من اصعوبة ن وياك تزعجني = غوج ن يلاوي سطر مرحوم عساّفه
اصبحت من كثر جورن منك عاوجني = عبّاد ليل ن ظِلم ماحصّل انصافه
لوفوق متنك من العارض تحجّجني = ولو العطا منك فوق المزن طرّافه
قدآم مآآعطيت من طيب ن تولّجني = براير ن من يمين ن تندر اوصافه
والله لتقول عد العمر فالجني = ولتشوف مدّك فشق والمنّه اغلافه
قلبي يضخ الصفات ولو يتوجّني = لاآصير مصباح نبل ن قلّو اشرافه
ماانته بلاقي بدالي يااحمر الوجني = عديم في وقت ماعت مجمل اعرافه
ماعاد تظهر فروق الحصن والهجني = وقت الرخا قارَن الباتوع باالتافه
والمبتسم تحت رحمة رايم(الحَجني) = والصيت للي ملك منصب وصرّافه
بِعدك. مرض والوصل طب ن يعالجني = عجّل بوصل ن بشيره عين ذرّافه
محتاج لك في غيابك وانت ساهجني = آحوج من المنجم لمشاهد اسعافه



[/poem]
و
س
ل
ا
م
ت
ك
م




**********