[ غريب ] ..!

السلام عليكم ورحمة وبركاته

اعتذر عن غيابي وذلك لظروفي الدراسيه, وأضع لكم هذه المتواضعه آملا ان تحوز
على رضاكم

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غريب واللي من حواليني اغراب=والصبر باقي له من العمر ليله
في عيني الديره وفالقلب الاحباب=والشوق جمر المغترب والمليله
اعاتب ايامي وانا كلي عتاب=على مسافات الزمان الطويله
اليا انفتح باب انقفل بعده ابواب=والنفس ماخلت عن العلم حيله
الوقت يطحنا على الضرس والناب=ويموّت الغايات بااهون وسيله
يااصحاب ماباقي معي عذر يااصحاب=واثقل من حمول الديون / الجميله
فرقى وملقى والمقادير بكتاب=واخر محاصيل البنادم قليله
وقدر اللحى موصول من قدر الاشناب=اللي تبّرك للحمول الثقيله
الوقت خلاني تحت ظل الاسباب=وان شلت حمل اليوم بكره دبيله
تعويلي اذيابه وانا اجاوب ذياب=وكم ذيب يعدي لي ورجلي تعدي له
تاصلني الهرجه كما نعقة غراب=واصد عن صوت الردى والرذيله
كم واطين حيه وكم واطين داب=على طريق اهل الشرف والفضيله
وان غبت كني عين ودروبي اهداب=عين الخليل اللي ماينسى خليله
اصبر على المره على شان الاعناب=واقول مردود الجزيله جزيله
غريب واللي من حواليني اغراب=والصبر عمر وينتهي كل ليله
ياوقت لو حديت للناس الانياب=راع الاصيله مايبيع الاصيله[/poem]