.,.,.,. رسالـــة من 3 اسطـــــــــــر .,.,.,.

[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أخذ الرسالة يارسولي بالإحسان = إرسال .. واستقبال .. بعدين حول
اقرأ عليه سطورها دون عنوان = دامك على فتح الرسايل مخول
السطر الأول فيه .. شكر ٍ وعرفان = على زمان ٍ راح من عام الآول
وثاني سطر .. كله مشاريه حيران = يشره على خل ٍ شعوره تحول
وثالث سطر .. أطلب مفارق وهجران = وان كان يبغى رجعتي .... لا يعول
قله : تراني منه ضايق وزعلان = والقلب يرقا بالزعل ما يحول
اقرأ عليه رسالتي .. وارجع الآن = رسالتي ماهي خطاب ٍ مطول
في ظرفها تلقى دموعي والأحزان = ((( وفي سطرها الثالث ))) نقاط التحول
قله : حياته من على فو بركان = وعقب الثقل بالحب صار متسول
قله نساك ولا يبي غير نسيان = وفي قرية أحلامي ... حظرت التجول
وان كان وده يتصل بي .. على شان = يرجع لقربي ...... قول خطه محول
قله فقد بالذاكره كل هيمان = وقله تيامن .. يوم حظه تشول
قله : غدى بإعراب نحوي خبر كان = وقله : زماني من عذابي مفول
ما عاد في قلبي مكان ٍ لنكران = سود الليالي من قشرها تهول
هذي رسالة مرسلة دون عنوان = اقرأ عليه سطورها ... لا تطول
[/poem]