فيوز ضارب !!

السلام عليكم ورحمة الله

الغالين اعضاء وزوار المواهب
يسعدني مروركم على متصفحي واتمنى ان يحوز على جزء من رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض الدعاوي تستحث الهواجيس = وقصايدي بين الحكم والتجارب
ولا اغازل الا كل ما اغواني ابليس = واسبح بحور الشعر والفكر قارب
ولولا الضلوع الباليات المقاويس = يمدا خفوقي كل يوم يتضارب !
مع عقلي اللي ياخذ الوقت بالقيس = ويجامل الاجناب كيف الاقارب!!
احدا حداك الله ياحادي العيس = على الذي ماضيه مافيه ذارب
حتى اتجمل معك بالحال والكيس = ولا حلقت اللحيه ام الشوارب !
ارتاح لاشفت الحرار القرانيس = ويضيق صدري يوم اشوف العقارب!
واهل الوفا تجار ماهم مفاليس = والحمل تبرك له عراض الغوارب
والبن مايحمس بغير المحاميس=والفار وش سوى ورى سد مارب
جرح السلاح ولاجروح الاحاسيس =احذر تغثرب صافيات المشارب
وذكر الله يعالج مريض الوساويس= والناس ماتنجيك لوكنت هارب
ازبن على ربٍ يفك المحابيس = وابشر بحلال العقد والمكارب
الذيب يسري فالليال الغطاليس = واللي يخاوي الجرب بيصير جارب
واختر لنفسك فالمجالس مجاليس = وقاتل دفاعاً عن حقوقك وحارب
وان جاتك العوجا من اهل الدنافيس = لاتنشغل فيها وسدد وقارب !
للنعم كسّابه وللخيل فرّيس = وللشعر نقاده وللكيف شارب !!
ورجلٍ يغط الحق ويطاوع ابليس = عنده خلل فالمخ وافيوز ضارب ![/poem]