الـــ قطره !!

السلام عليكم ورحمة الله

الى قلوبكم قبل ابصاركم وكل عام وانتم بخير ...

الله يستر من هالقريحه مدري على سنع ولا مع جنبها
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

يازين شوف الحيا فالديره المطره = وترك الحسايف ولولايه ولولايه !
هذا شهر بين جاكرتا وسومطره =احاول ادله واسج وغاية منايه
الساعه اللي تمر بدون ما اخطره = لوهي على جال ناري حيد مركايه!!
المشكله وين ما اوجه على قطره =مسكين من لايحط لقلبه حمايه !
صبري نفد مابقي منه ولاقطره = واحلامي اغصان لكن واقعي حايه !
فيما مضى في شقا والعيش له وطره =متى زماني يحس ويطلب رضايه؟
ياعيني اللي ماتبرد غير بالقطره = من لاهب الدمع كن العين شوايه !!
يرسمني الهم رسم الحرف في سطره = ملامح الحزن ماتحتاج لمرايه !
من عقب فرقا (.......) وحالتي خطره = عزايه اني ماطحت ورافع الرايه
ياقو باسه على ظلمي و ياشطره =ابدايتي في االموده صارت نهايه !
مسموح لو كبدي من البعد منفطره = علمني أحب حتى أعداه واعدايه!
هذي سنه والنفس محروم من عطره=بالله وش عذري من سنيني الجايه
لن كان تبغى عذابي يازمان اطره = وانته عليّه حريص ولاتبا وصايه!
قلبي رعاع ومزاجي ممتلي سطره = والهجر نارالهوى والوصل طفايه
من شافني قال وش ذا الجسم والبطره= اضحك وانا اشيل دايه داخل ردايه!
ياجعل من لامني ما يعايد الفطره = اصحى تشمّت ترى الايام بلايه !
قلبي متيّم براع السيره العطره =اللي جفا واختفا لله شكوايه
ليه اتصنع وانا في الوفا فطره =يبقى قصيدي وسيله والرضا غايه !! [/poem]