( دمعه / وابتسامه ) !

السلام عليكم ورحمة الله وبركاته

مباارك عليكم الشهر الفضيل , جلعني الله واياكم من صوّامه وقوّامه

عفاس بن حرباش:
كل عام وكل يوم وكل ساعه
عفاس بن حرباش:
وانت بخير
عفاس بن حرباش:
وعندي طلب لاني مشغول
لسـتُ ادري !! :
وانت بخيررر ياحبيب الكل
عفاس بن حرباش:
بس قل تم تكفى
لسـتُ ادري !! :
تم تم الله عليك الصحه والعافيه
عفاس بن حرباش:
القصيده اللي في الركن ودها للشعبي ولا المواهب

بناءاً على هذا الطلب جاءت هناا , والا الصحيح ان متسانها هناك !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
يالله انّي في ذراك مْن الندامه=حين عرض اعمالنا يوم القيامه
يوم ننبت من مقابرنا ونُبعث=راحلين بْلا شداد وْ لا مسامه
يوم لايغني صحيبٍ عن صحيبه=والآبو يُشغل بنفسه عن غلامه!
ويوم كل انثى تخلاّ عن ولدها=ويشتعل راس الولد قبل انفطامه!
جَمْعٍ يهوّل بميقافٍ يهوّل=بالتساوي ماش هامه فوق هامه
يوم لا ينجو سوى من راقب الله=في معاملته مع الناس وكلامه
ويوم يهلك كل ظلاّمٍ بـ /ظلمه=ويوم يهلك كل بطّاش بـ /حسامه
ويوم تقتص الخلايق من بعضها=عند من يعدل وياقوّ انتقامه
يالله انّي في ذرى وجهك الهي=من لهب نارك ليا اشتد اضطرامه
يالله انّي عبدٍ مقصّر ومذنب=معترف بالذنب ومْقرٍ بأثامه
انتفت عصمتْك عنّي واستجابت=للخطا نفسي ولأبليس وسهامه
وصرت بين ابليس والنفس وهواها=مثل من يهوي من الضلع لـ / عدامه!
بئساً لدنيا يعيش العبد فيها=كنّه اللي عاش حلمٍ في منامه
قاله اللي كل ماميّز وفكّر=في حياته وانجلت عنْه الغمامه
يدرك ان العمر كلّه لو يحدد=ينحصر مابين ( دمعه / وابتسامه)
وان ماحاشت يدين العبد زايل=من متاع/ ومن قصور/ ومن زعامه
وحاصله لا ودّع الدنيّا وقفّى=حفرةٍ فالقاع ويكفّن بخامه!
[/poem]