نايف بن عبد العزيز والسينما

اخواني اعضاء المرقاب الغالي
قصيده نتجت بعد اجابة الامير نايف على سؤال
احد الصحفيين حول امكانية السماح بالسينما في المملكه
فقال لن يكون هنا سينما....فكانت امتداد لمواقفه الخيّره
[poem=font="Simplified Arabic,5,black,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
اللي يبا السينما يقدر يدورها=يروح برى السعودية ويلقاها
يجلس لها كل ماباحت يكررها=يشبع عيونه بشوفتها ويملاها
نعمة بصر مالقت حياً يقدرها=لكن الايام ماتكشف خفاياها
عقول لعبت بها ناسٍ تغررها=واهل النوايا عرفنا وش نواياها
ناسٍ لها اعوام كاثرةٍ برابرها=واعلام يكتبلها واعلام يقراها
كثرت علينا عسى الله مايكثرها=وقامت مع الوقت تستفحل قضاياها
لاخططت لاعظم الاشيا تصغرها=وتصيغها تحت معنى غير معناها
وتديرها لين تنتجها وتظهرها=وليا اظهرتها ماعاد انّا بويّاها
والله للا الله على الاجواد ساترها=الناس تخطي ويعفو عن خطاياها
ثم نايف اللي ليا طالت يقصرها=انا لنصبح ضحيه من ضحاياها
نايف هو الخير خير الناس خيّرها=كم مشكله كل ماكبرت تولاها
اقسى من السيف للفتنه ومظهرها=واكرم على الشعب من كفه ليا ارخاها
بحراً موانيه ماتنشد بواخرها=عن كثرها لو تضيق العين باقصاها
المخطيه كل ماجتله يغيرها=له نظرةٍ تخلف العالم عن ارياها
والداخليه بتفكيره مطورها=شف وين وصلت وهي وشلون مبداها
ووقف ورى هئية المعروف يشعرها=بالامن يوم البشر قامت تبلاها
وآخر قراراته الغرّى مصدرها=بإغلاق مكتب قناةٍ شان ممشاها
تشيد بالمعصيه تبغى مجاهرها=يكسر حدود الاباحه ويتعداها
وقعد لها اخو فهد واقتص دابرها=الله يعزه ذرى اهل الدين وحماها
فيه الملك نظرته ماهوب خاسرها=تزهابه النائب الثاني ويزهاها
والمملكه دولةٍ ربي مسيرها =على الشريعه من اول ما اسس بناها
تمشي على الحق باهل الحق اوامرها=واللي يبيها بسو يموت ماجاها
[/poem]