محاورة نادرة ( المسعودي و العصيمي ) !!!!!!

عزيزي القاريء : ـ ماذا تملك أمام هذه الأبيات ، وهذه القوافي ، وذلك اللحن الذي أتمنى أن تكون قد سمعته ... ماذا تملك أمام كل هذا إلا أن تقول : ـ رحم الله المسعودي , وأمدّ في عمر العصيمي ..........لا أريد أن أطيل وأتركك تحلّق وهذه الرائعة !!!!!!!!!

المسعودي : ـ
سلام من هاجسٍ ما اختلف نوعه
لو كل الأيام تخلف حلاياها
والموهبة شي والعلم شي ثاني
سيلك بلا نوّ يا نازل الوادي

يا قاضياً حكمته من تحت كوعه
من لا يَعَرْف الصقور ايتشواها
كمّ اكلت النار من صقر شيهاني
والريم ترعى ورى الضلع من غادي


مستور : ـ
عداد ما شعشع الصبح بطلوعه
يا مرحبا من هجوسٍ بمعناها
إن كان جاك الخبر فالخبر جاني
من صدر مهتاض ما جيت نشادي

اللي يبا يدحم الضلع بضلوعه
خطر ٍ عليها من الضلع يرزاها
ليش العوى ليش ياذيب سرحاني
عنّيت نفسك وعنيت الأجوادي

المسعودي : ـ
يا خيال وابروق وارعود مسموعه
لكنّ ما يشرب الطير من ماها
ما فالسنة حب خوخٍ ورمّاني
والحال ما يسمن إلا من الزادي

مجنون ليلى سقى الضلع بدموعه
عشرين ليلة وليلة ما يلقاها
البطن جيعان والطرف سهراني
والراس مرشوش بالورد والكادي

مستور : ـ
كلاً جوابه على قيس موضوعه
واللي كتبها عرف كيف يقراها
أنا على الدرب محداً تعداني
أحرص من أبرص وبادي ورى بادي

الضحك بالضحك والحرب بدروعه
واللي على البال مدري وش اطراها
جاكم نبا من سبا يا سليماني
أوحيت مرسوله ايصيح وينادي

المسعودي : ـ
لي حاجةً مادري وين مرفوعه
والسارحه صبح يا بعد ممساها
المرّ فالقلب والحلو بلساني
والبغض بالعين والحب بفوادي

ايعيش نفرين وتموت مجموعه
وتصير كرامته دين للحاها
والله يا لولاي لولاي لولاني
لا قول يهديك رب السما الهادي

مستور : ـ
يد الحرامي من الكوع مقطوعه
والسارحه صبح ياسرع مضواها
السرّ لوّ اعرفه وافهمه ماني
بيّاح الأسرار جرّاح الأكبادي

يا شاعر اهذيل ما فيه مطموعه
أنت ابن مستور منته ابن طاها
لا تقعد اتقليَ اهذيل جداني
وآعوّد آقلّك اعتيبه اجدادي


وأخيراً أين نجد مسعودياً وعصيمياً كمسعودي وعصيمي زمان ؟؟؟؟!!!!!
--------------------------------------------------------------------------------
والسلام ،،،،،،،،،،،،،،،،،،،،،