العبد الاناني ..!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامعطيني وانا العبد الاناني = خذيت ولا شكرت الي عطاني !
تجود بعافيتك وعين حفظك = علي ولا يبين لك إمتناني
تدبر مايسبب في رقيي = وادور مايسبب في طماني
على ابواب الثلاثين آتهيأ =بنفسن جانيه وبقلب جاني
أشوف الموت يبطش فالاوادم = وأخاف شوي وانسى في ثواني
لي عيونن تشوف وقلبن أعمى = ولي نفسن عن الخير تحداني
ولي يدين تقفل باب طاعه = وتفتح للمعاصي باب ثاني
ولي رجلين تتعب دون دربك =وتاصل ماسواه ولا تعاني
كسولن في ادائي وجباتك =وفي فعل المحاذير إمتفاني
اداني من يصغر في ذنوبي =ومن حاول يكبرها ماداني
تذكرني بقرآنك ولا اذكر = ولا يطري علي الا الاغاني
أصيغ السمع لعباد الله أجمع =وعنك آصم يالخالق أذاني
تبشرني بغفرانك وأسوّف = نسيت العمر مهما طال فاني
ذكرت انك لطيفن في عبادك = وتاسع رحمتك قاصي وداني
وجيت ألوذ في رحابك وانا أرجف =من الخشيه أدور فيك أماني
ياغفار الذنوب إغفر ذنوبي =وطهر قلبي وطهر لساني
تراني في نعيم وفي سعاده = اذا بعين الرضا عّني تراني
خذ بناصيتي لبّرك وهديك = فعلت من الخطايا ماكفاني
وخذني من يدي لظلال قربك =لهيب البعد عنك قد شواني
ونّور مظلم دروبي بنورك =وعوضني بجودك مامضاني
والى مني إهتديت إفلا تزغني = وثبت مانبض بين المحاني
وأطل عمري على ذكرك ونفسي = عليها لا تكلني لو ثواني ![/poem]