العزوف

[poem=font="Simplified Arabic,6,blue,normal,normal" bkcolor="sandybrown" bkimage="" border="none,4,gray" type=2 line=0 align=center use=ex num="0,black""]
من شاعرن بين كتاب القصيد معروف=عينه على قمة العليا ومرقابها
يلحن الحبر شعري والدفاتر صفوف=وانا استضيف النوادر واحسب حسابها
شعر ن يجمل ويرضي طيبين الشفوف=وافكار ماذكر غيري جرد اسلابها
لها حضور ولها هيبه وعزه ونوف=تسمو عن الكذب والصدق يتسامابها
ولا اعتراني من اهل الشعر والذوق خوف=ان قالها الله لاراهن واكسب اعجابها
ياهيه يالمختلف والا مجله قطوف=انا اكبر من الصحافه واتفه القابها
يسند لي الراي واحط النقط للحروف=وارقى عروش المراجل واتساوبها
فياصاحبي ماعلى الدنيا الدنيه حسوف=دايم وهي دون هقوه من تهقوابها
حررت نفسي من الغفله وعشق الهنوف=اللي تريض سواد الليل باهدابها
عدت سنه والاماني في خيالي ضيوف=لكن مزاجي لاوداها ولاجابها
تنهدت من تفاهات الزمان الحروف=وتجردت من قيود الصمت وثيابها
نفسي لحنها على وتر العزوف معزوف=لو اكل السحت بالخذلان يغتابها
وانا سليل الرجال موردين السيوف=اللي تقول وتطول وتفتل اشنابها
يعني ماهز الجبال الشامخات الشعوف=والا بيوت الشعر ماترحم اطنابها
وياصاحبي دام تسمعني وعينك تشوف=والا البعارين تجهل عوجة ارقابها
عسى التعب والجهد يوم النشور مخلوف=ليا دعت كل نفس وشالت اكتابها[/poem]