! أنســــــــان !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكافل الأرزاق للأنس والجان =رحمتك ماهي عن عبيدك بعيده
تقول كن .. وكل ماتامره كان =ياهادي عبادك للأرياء السديده
أنت العظيم .. المنفرد عالي الشان =ياخالق آدم من تراب ومعيده
لك أنحني ذله وأنا أنسان غلطان =مقصر بطاعتك بأشياء عديده
هذا الصحيح ولا هي بزلة ألسان =كم فرصة ٍ حانت وراحت شريده
فأن شفت في عبدك تهاون ونقصان =بهدايتك يارب تقدر .. تزيده
لا صار وضع الوصل والهجر سيان =مما يتناقله البعض من مكيده
إن جيتها تلقى المبرة .. والأحسان =وأن غبت حمّت في الغياب الحديده
تسولف بغلطاتك بكل ميدااان =ولا ذكرت فيك الصفااات الحميده
تحطك الخسران لو ما أنت خسران =ولاهيب من شرهاتها مستفيده
تجلس على غيبه ونمه .. وبهتااان =واشياء تنافي ماذكر في العقيده
وان عودت للصدق أخذ منه برهان=ماطاح سور من القصور المشيده
من حط ذكر الله على (قلب ولسان) =ماتبخس حقوقه وينقص رصيده
الدين له قدرة ... وللعقل ميزااان =ومن يخسر الثنتين ماهو فقيده
سبحانك وسبحان ذكرك وسبحان =يامن تحت عرشه يصرف عبيده
يارب انا في نهاية الأمر ... أنسان =رضاك غاية نفسه ويوم عيده
[/poem]