أنا مع بساط الريح سافرت عشر ايام ..

اخوتي واخواتي في المرقاب ..

كل عام وانتم بخير وتقبل الله منكم صالح الاعمال ..


سألني الكثير من رفاقي عن الشعر و الاعلام وخلف الغريب فأجبتهم :

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
عسى ضيقة بالصدر من لي ثلاث ايام=تفارق عن اللي صدره أوسع من بلاده
اجاهد جيوش الذل ولا اعلن استسلام=وانا اعرف راع الحق ماجور بجهاده
وانا الصادق المظلوم واحارب الظلام= يزيد الزمن بعناد ويزيد بعناده
لو ارجع رجل للخلف دبلتها قدام=وازيد بخطا رجلي و لو يقصر قياده
ولا جا ببالي يوم تنكيسة الاعلام=هذاك العلم خفاق .. ويموت حساده
واذا كنت تسأل : ليه يالشاعر المقدام=بعيدٍ عن الاضوا ؟ فانا اقول ياسادة :
انا ما حسبت حساب للضوء والاعلام=لك الله سرا شعري وراسي على وساده
واذا الضوء جاني بعد مدحات واسترحام=تكفيني القمرا على العز وقادة
سنا النور في قلبي ولا اعيش للاوهام=جحدت الغرور وجتني النفس منقادة
اموت بشعوره حزن واحي ابه استجمام=واعزي حبيبٍ فات بالحب ميعاده
اساهر به الجوزا , واصبِح به ارض الشام =وابكِي به المسرور , واضحك مع الغادة
عن الواقع اسري معه في مركب الاحلام=واطوف بمحيط السحر, والعاصي اصطاده
وانا مع بساط الريح سافرت عشر ايام=ودرت بي جنون الجو لو تجحد ارصاده
و اذا طال بحبال العلاقات روس اقزام :=خلف بالجبال الشم وموثق شداده
واذا راس مال النذل متعدد الارقام:=خلف راس ماله طيب ..ما دور زيادة
واذا البعض متقلد قصيده تقول وسام=انا لابسه خاتم اذا لبسه قلاده[/poem]