انا وأنت زملا !!

السلام عليكم ورحمة الله وبركاته

بويتات من باب التواصل فقط لاغير ..


أرسل لي الزميل والصديق العزيز / مشعان غازي صوره وكتب تحتها
ديرتي لا جده ولا الرياض وكانت الصوره عباره عن صحراء وهضاب
فهاضت القريحه بهالمتواضعه .




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الديره اللي صحصحن قفرن خلا=يا صاحبي مشعان وش تبغى بها
زودن على ذلك لا ماء ولا كلا=لا اصبح بها الشاوي معاد امسابها
لقيت فالصوره هضابٍ وسهلا=من عصر نوح اسهولها واهضابها
وأنته ذبحك الحب واشقاك الولا=وأنا ما ألومك لو تعشق ترابها
لي ديرةٍ مثلك غلاها منزلا=في شاشة عيوني وخلف اهدابها
ينزل على قلبي وانا احلف له على=آيات نزلها الولي فكتابها
يا ذا الغلا مالك مشابه فالغلا=الا عيوني وانت سر أعجابها
ديرة جدودي مرحبا يا مسهلا=أنا فدى ضلعانها واشعابها
كني به فزعه ونخوه وشكلا=وارجال تفتل دونها بأشنابها
كم زهبت بندق وكم راح قتلا=ومن خلقت الدنيا هذا دولابها
أغيب عنها مير فكري ما سلا=عنها الطراقي يخبرون احبابها
واليوم بعد البرج فالديره علا=أخبارها برج الموبايل جابها
نكلم أبناء العم فيها من إلى=والناس ويش الناس لولا اقرابها
صلة رحم ولا عدم ولا خلا=من ناس تلتمس الوفاء فعتابها
هذي هي الديره وأنا وأنت زملا=يا بايع الصوره وصلك حسابها !
[/poem]