" العيون الســــود " !!

السلام عليكم ورحمة الله وبركاته




.




.




ضيقة المشتاق مع وقت الغروبي . .

.. .. .. .. .. .. والفراق ودمعة القلب الحزيني . . !!


" شارة " العشاق من أكبر عيوبي . .

.. .. .. .. .. .. أطلب الله يبعد الحزن ويعيني . . !!


صاحبي لو كان مـ العالم دروا بي . .

.. .. .. .. .. .. كان دمعي ما لمع في نون عيني . . !!


آآه كم غنيت وازتادت ذنوبي . .

.. .. .. .. .. .. والقصايد فيك تبكي وتهجيني . . !!


الله أكبر يوم " لد " العين صوبي . .

.. .. .. .. .. .. خالط المسحوب طاروق الهجيني . . !!


صار صدر الشاعر المغرم جنوبي . .

.. .. .. .. .. .. وانت لو تقول فرقاك تحديني . . !!


قلت لك قل للعيون السود توبي . .

.. .. .. .. .. .. نعنبوها تذبح القلب الونيني . . !!


يالله انك تجعل دروبه دروبي . .

.. .. .. .. .. .. وتسعد عيونه ولو وينه وويني . . !!


كم سمعت وكم هالعالم حكوا بي . .

.. .. .. .. .. .. والعواذل جعلها تفدا ضنيني . . !!


تاقف الساعه مع وقت الغروبي . .

.. .. .. .. .. .. لين أصلي لوجه ربي ركعتيني . . !!