30/8/1430 ..

السلام عليكم ورحمة الله وبركاته

مدخل ..

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كم للحزن .. بوجيه الاجواد .. جُره = وكم للفرح .. بوجيه الانذال .. مضمار

وكم للحياه .. ابيار .. عذبه و مُره = وكم للرياح .. اكفوف .. من غيث وغبار

ودام اعتزى .. من يعطي الجود .. بُره = ماللوجود .. بعين الاحرار .. قنطار

حام الرماد .. بعين الاشرار .. اذُره = وكحل الفرج .. في عين وايدين .. الاحرار

ثوب الفخر .. لو قدّ .. ما اقبلت ازُره = دامه .. على صدر الفخر .. ما يبي ازرار

ما اجهر .. وفيه احساس بالقول اسُره = ولا اهمش ّ احساسي .. سوى نُجد .. وانذار

يا سيدي .. ما ألفي على حين غُره = لي بالدروب اشهاد .. توصلك الاخبار

دامك .. ثلاث اسنين .. للعين قُره = وغيرك .. ثمان اسنين .. للعين مسمار

جيتك .. وانا احمل بين الاحساس دُره = وانت البحر .. والطوق : للريح والنار

[/poem]

لافتة ..

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شعبان .. قبله مثل بعده .. ثلاثين = ليلة .. بها الحسرة .. تكبلّ يديني
ويني !! وانا بالشك واثباته يقين =ويني !! ذبلّ رمشي .. ولا اسقته عيني
تجتاحني صدمة .. وزفرة براكين = وطعنة .. من احلامي .. تصافح يميني
صوت ٍ .. صداه يزعزع العمر .. والدين=وخنجر .. على غفلة سكون .. بعريني
بين انكسار .. وبين واقع .. على وين =حلمي .. وعمري .. مع رضاء والديني
ناديت .. بعد الفاتحه .. قبل الآمين = يومين .. يا اكفوف المصير .. انصفيني
صمتي ظلام .. وصوت الايام .. سكين = وخلفه .. مصير المقبله من سنيني
السبت منسي .. والمدى موت يومين =والوقت يمضي .. والعمر يعتزيني
وجيت برفيف العاشرة .. ليل الاثنين = وكان الدواء للجرح .. ( منيّ وفيني )
هذي الحياه .. اليا قست ..بعدها لين = والثاني .. اول مركز الخاسريني !
لو ما كسبتك .. كان ( ستة وعشرين ) = عمرا ً .. بتابوت الاسف .. مع سنيني !!
[/poem]

خروج ..
........ خروج ..

وسلامتكم .. اخوكم .. ابو نايف