سيّدة نجد ..!

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
حبيبتي وأنبل العالم محبّينك=مساك نسمة هواك .. ونفحة أطيابك !
سمعت بك قبل أشوفك .. وأحتضن عينك=وجيتك ولا أنكرت منّك كثر ترحابك !
وهذي يديني ثمان سنين فـ / ايدينك=ما شفت ما يجرح إحساسي من أسبابك !
يا سيّدة نجد .. هام القلب في زينك=وعلّق أمانيّه البيضا على أهدابك!
سدتي بحاكمك .. وسكّانك .. ومغلينك=وطلتي بهم مجد .. طاحوا دونه أترابك!
من يقدر يجابهك؟ من يقدر يهينك؟=وإنتي غطاك السما .. والغيم جلبابك!
لبستي الغيم .. وأزعلتي معادينك=وأفرحتي أحبابك .. وجمّلتي ثيابك!
حاسدك لو يجهل حميّا موالينك=ما يجهل العاقبة لو حاول إغضابك!
وزايرك لا صافح الراحة في كفّينك=ما راح لـ / دياره ألا قد تغنّى بك !
وساكنك لو حال وقته بينه وبينك=ما أرتاح حتى تحط رحاله بـ / بابك !
ما له عناوين لو ضيّع عناوينك=ولا له أحباب .. لو ما هو من أحبابك !
تقسى الديار وطعم لينك .. طعم لينك=ذاقوه حضّارك .. وحِرموه غيّابك!
وأنا ومثلي كثيييرِ من محبّينك=ما نستلذ الحياة الحلوة إلا بك !
لو طالت أعمارنا .. بنعيش حامينك=ساماك هاماتنا .. وصدورنا ترابك !
نعطي ولا نقدر نوفّي ربع دينك=حتى لو أرواحنا راحت على حسابك !![/poem]