العـابـث

[poem=font="Simplified Arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=sp num="0,black""]
البارحه كني بأرض الكنانه=الجو هادي والعرب وضعها زين
اكتب شطر وامسح شطر من مكانه=واترك شطر وامسح قبل تركه اثنين
لين استباح الفكر نوةّ بنانه=وسبح على غفله مابين الشرايين
ودك الخفى لابارك الله زمانه=لين القرايح حظرت بالميادين
واستطرد العابث خفوقي وخانه =وعرى الخفايا واستباح المضامين
وقال انشد الي لبسوك الادانه=من وين نبدابالمواضيع من وين
من ظلمهم عندي لروحك حصانه =ومن جورهم مايرجحن الموازين
وانا من الهاجس وشاني وشانه=سريتها مابين وحده وثنتين
ماغير اقلبها على كل خانه=ايمين مدري ايسار ويسار ويمين
مادامها صارت كذا مستهانه=ارقص يانمرود القشر للشياطين
يصحابنا يامخلفين الديانه=انتم عن اليمه ترى صدق غاوين
انتم على الهزله كسبتو الميانه=وانا على الجزله كسبت الميامين
شاعر ولي عند الجماهير خانه=ولي سطوه وقدره لدحر المعادين
افتل صدر وانقض صدر باالعانه=واعقد حبالٍ ماعقدته السلاطين
ماهمني من لوّح الخيزرانه=ولاهمني من قال يافلان بعدين
لابو فلان اليا اعتزا في فلانه=ولابوك ياحظ الدنا والرديين
كلش ولا شذب القفا والاهانه=وكلش ولا قولٍ بليا براهين
بالله يلي تتدعي بالرزانه=اصحى ترى العالم معك دوم صاحين
حسبتها بالقبّيله والميانه=واطغيتها ياشين يومك بعد شين
اقلط على خشم الفتيله وعانه=الدرب واضح ما يبيله دليلين
[/poem]