[ عيون الجراده ] !!

السلام عليكم ورحمة الله

من القديم للتواصل , أتمنى أن تحوز على رضاكم .

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاصارت ايام الشقا قدمي عيون = اقول ليت الحظ كحلٍ للاهداب
مادام انا في كل الامرين مفتون = ابنصب الخيمه وابا اشد الاطناب
وادرّج الرجلين وامشي على هون = واخير من كذب الفتى بعد وغياب
واليا حذفني صاحبي قلت ممنون = حذف الشجر يسقط من الغصن الاعناب
اعرف بأن الناس صاحي ومجنون = واللي يميّزنا عن الخلق الالباب
ياهايم الوادي ! ياهامان 00فرعون = لو يعتق ارقاب القشر قطّع ارقاب
منته بااخو شما بلا شك وظنون = لو تطحن ضروسك تقاطيع الانياب
ياوقت سلّمت الملقّف دركسون = كلن يسوق لطرقتي لوم وعتاب
ماينقص من البحر غراف ماعون = يبطي عظم والموج هايج وغلاب
ياخذ على بوزه وحامض ياليمون = ويكفيني العنوان عن شرح الاسباب
قلت الك سيرها بحكمه وقانون = يمناك لاتطرق بها سود الابواب
دوني ودربك سايره دون في دون = ولاطرى في بالك حساب وكتاب
واكبر فضيحه داخل السوق مديون = مالك مع التجار مدخال وحساب
اغواك برنامج يقول ويقولون = وتخش في سرداب من بعد سرداب
وتتابع الاخبار عبر التلفزون = وتوزّع النشره على كل الاصحاب
واخرحصيلك تكتب الشعر موزون = ويشّيب غرابك وقافك فلا شاب
ياشاعر المليون كم جبت مليون؟ = فكيت لعيون الجراده مية باب
كسر المعاني مالزق بالشطرطون = ياللي تدربيها على خضر الاعشاب
بعد اعتزل عن ساحة الشعر ابن عون = الله يعز شعيل بالخرج والداب!!
[/poem]