,,, خياليـــّـه ,,,

,

,

سلااااام
مشاركه بسيطه على الطاير
لعلها تشفع عن الغياب والتقصير ,,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يقولون العمر ( صدر ) وصواديف الزمان ( رماح )=وأنا ما فيه ضلع الا وباين فيه ماريّه
تعلمت أنتحل شخصية المبسوط والمرتاح=لو إنّي فاقد الثنتين لا هذي .. ولا ذيّه
زرار الثوب وشماغي وثقل البوك والمفتاح=على نفسّيتي ماهيب مدفونه ولا حيّه
ولكن ضيق صدري كل ما يطبخ شعوره / فاح=ولا تنقل خفاه الا هبايب كل عصريّه
جذبني من جذبني في حلاه وطبعه اللماح=وسر الجاذبيه ..! فـ/المطبات الهوائيّه
( ذبحني ) والغريب إنه ذبحني دون حمل سلاح ..!=والأغرب يوم أنا سلّمته اللي ما خذه زيّه
غدا دكتوري ( النفسي ) على دكتوري ( الجراح )=ولا تنفع بدونه ( صيدليات الدوائيّه )
عطيته ما حسبت حساب ( الإيرادات ) و ( الارباح )=عطيته مثل ما يعطون ( حكّام السعوديّه )
وإلى منّي سمعته عقب ضيقه والقلوب صحاح=تقول : (( إنّي مراهق يسمع أخبار الهواويّه ))
هنيي لو خذيته ديرة ٍ تخدم هوا من راح=على طيْران ( KLM ) والرحله سياحيّه
نعيش أجوائنا لا طير طار ولا حمام ٍ ناح=ونبذل كل ما نملك من شعور الرومانسيّه
وأبادله الغلا وأنسى معه من قام والا طاح=وأضمّه ضمّة اللي ضم من عقب البطا خيّه
أخليه يتلذذ .. كا ما سدّي بـ/عينه باح=وأخليه يتلذذ .. كل ما يشعر بـ/حنيّه
وبآآآمد البساط الاحمدي دام الليال شحاح=مثل مد أمنياتي / في حدث رحله خياليّه
[/poem]

وسلااامتكم ,,

,