ماحصلي وظيفة ..! :(

[align=center]بسم الله الرحمن الرحيم

السلام عليكم :sniper57:

يالمرقابيين على ماقال المُبدع / عفاس أبن حرباش :

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان القصيده ماهي بمسموحـه=وألا تراهـا لبنـدر القسامـي[/poem]

أتمنى أن ترتقي للذائقه المرقابيه ..!
:
؛[poem=font="Simplified Arabic,5,#003300,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
جيت الرياض وليتني ماتعنيـت=حصيلي المشوار عقب النكيفـه
واللي حداني يوم للعاصمه جيت=أبي وظيفـه ماحصلـي وظيفـه
وراع المثل قد قال ماتنفعـك ليـت=ياللي تحسف ماتفيد الحسيفـه
فالعاصمه مابه وظايف وأنا أزريت=لصبر على جور الحمول الكليفه
ماباقي ألا كان أجـر التناهيـت=كني وليفـن ذاق حـرة وليفـه
من مقعدي يابدّر في قاعة البيـت=يصرف علي العود حالي كسيفه
يانعنبو وقتٍ يـذل الشفاليت=اللي به الرجال يبلـش بظيفـه
قد قالها (( بندر )) وانا لقوله أصغيت=في شطره اللي بستعيره وأظيفه
(سلط على النصراني اللي لقا الزيت)=لولاه ماثقلت علينا الخفيفه
من يوم نقب في صخور الجرانيت=طاشت علينا أهل النفوس الضعيفه
اللي منول فالجزيره هلافيت=اليوم تنعم بالحياه المريفه
وأهل السيوف اللي تحد الطواغيت=مافيهم اللي يقدر أيسل سيفه
ماعاد باقي غير سمعت هل الصيت=أهل الفعول مخضبين الرهيفه
أمثال : (( أخو هملا وقشعان وبخيت ))=(( والضيط )) لامنه تعلا العسيفه
لحدٍ يلوم القلب لنكان ونيت=ياذيب لاتلومه لازاد برجيفه
وياذيب لامنك رقيت وتعليت=فالشامخات من الجبال المنيفه
جر العوى ياذيب وأنا لاجريت=أعواك أجر الصوت من دون خيفه
تراني أنا أوحيت مدري وش أوحيت=لاتاكل الحرجه ونفسك عفيفه
أشوفلي نوٍ رعوده دناميت=لا لاح برقه يعجبك من رفيفه
وألا تبا علمي ! ياذيب التهاتيت=(( أهم شي إنا نوال الخليفه ))
هذا هو اللي به ياذيب الخلا أوصيت=وصيتٍ لهل النفوس الشريفه
من اللي عليه أزكى سلامي لاصليت=الهادي اللي كاملٍ في وصيفه
حفظ العهد واجب وانا لو تناسيت=حليف يوفي بالعهد مع حليفه
متى على الله تبني البيت ياسبيت=وتكحل أعيونك ولوهي كفيفه[/poem][/align]