(*(( سبع عجاف ))*)

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حدَتني ذكرياتك ياقدم رجلي على المشراف = على بحر القصيد ودرّةٍ تبدا بخمس حروف
بدا في عيني المرسى بعيد وفي يدي المجداف = واقيس الموج واقرا الريح وادرى الخاطر الملهوف
ذكرت ايام مرّتنا سريعه والقلوب انظاف = قبل ما يزرع ابليس الصدور ويجني المقطوف
أكل سبع السمان الاوّله فالوقت سبع عجاف = ويبست في مزارعنا السنابل والطيور تحوف
ولا ياالسيف وش باقي لنا في ذمّة السيّاف! = ومن يدفع ثمن دم الضحايا والعذر مخطوف!
ياليت الخوف برّى ذمّتي من ذمّة العرّاف = ولو انّ السالفه فيها شجاعه مالحقني خوف
وانا قلبي شجاع ولايهاب .. وخاطري خوّاف = ولساني عاقل .. وراسي عنيد .. وهاجسي ملقوف
أسافر واطلق عنان القصيد ولاعلي خلاف = ثقه ماهي غرور ومن عرفني ما انكر المعروف
لو انّ الظن لاحقني ظليمه فاكثر الأطراف = لكنّ الله يجازي من ظلمني والعباد تشوف
احبّ الصدق واعزّ الخوي واقدّر الانصاف = ولا اكره غير من دسّ الحقيقه في كفنه الصوف
وعيوبي ذنب وذنوبي عيوب ، وكامل الاوصاف = بعد ما جابته بطن الحياه ولا اصبح الموصوف
حقيقة مجتمعنا العنكبوتي شي ماينشاف = لو انّ اللعب صاير فيه من فتره على المكشوف
لكنّه مجتمع مايعكس الواقع وفيه اجحاف = مجرّد ساحه تلمّ البشر وتحرّر المكتوف
ياكم نوف ازهموها الناس نوف وعوّدت نواف = وياكم نواف نادوه العرب نواف واصبح نوف
[/poem]