الله أكبر

[POEM="font="Simplified Arabic,6,white,bold,normal" bkcolor="transparent" bkimage="./images/backgrounds/10.gif" border="none,4,gray" type=2 line=0 align=center use=ex num="0,black""]الله أكبر يوم داعي وطنّا صاح=كلنا جينا على صوته مْلبين

دون ذرة من ترابه تروح أرواح=والشهادة في سبيل الوطن والدين

ما سكتنا للمعادي ولا نرتاح=لين نكسر شوكة الزمرة الباغين

لا يدوّر من ورانا الغشيم أرباح=والله إنْ يندم على فعله المسكين

كلنا عند الطلب في نَحَرْه رْماح=والله ينصرنا على البغي والطاغين

ما نهاب من الحرايب ولا ننزاح=للوطن نبقى على عهدنا وافين

الذخيرة ديننا واليقين سْلاح=كلنا "خالد" و"عمرو" و"صلاح الدين"

كم عدوٍ دون حد السعودي طاح=ما نبي نخطي ولا نرحم المخطين

دارنا منها شعاع العقيدة لاح=طاهرة يحرم ثراها على النجسين

منهج القرآن والسنة المصباح=نقتدي بالنور لو ضلّوا الغاوين

تحت راية قايد العدل والإصلاح=نعتصم بالله وندّمر الغازين

يا وطنّا فالك النصر والأفراح=نحمد الخالق على العزّ والتمكين[/POEM]