حذفت حصا .. !!

السلام عليكم ورحمة الله وبركاته



ابيات اتمنى ان ترتقي لذائقتكم ...





[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
بسم الله الرحمن يا حزة الضيق = لمواجهك ؟ .. ما عاد فالحيل قوّه !!
حطي عليّ ولك عليّه مواثيق = اشيل ما شلتي بخيره وسوّه !!
وأجملك .. وأصورك .. فالطواريق = ما دمت فالجزلات شاعر مفوّه
لا من كتبتك ..!؟ صفقوا لي مخاليق = لو شبّ همي في حناياي ضوّه !!
صحيح لولا الحزن بين المعاليق !؟ = ما شفت برّاق القصايد ونوّه !!
لأن أغلب الشعّار من دون تدقيق = غنت بعد وجه الرضا ما تشوّه
يا مبحلق عيونك .. !! تعبت المحاديق = أرمش قبل ما تنشف العين جوّه !!
بلل هدبها زين .. يا يابس الريق !! = تو الزمن ما بيّح السد توّه !!
حذفت حصا ما نزّلت هامة طويق !! = وأهل الردى ما غلبوا أهل المروّه !!
هذا الكلام الصح .. بعد التحاقيق = طوّ الكلام اللي تهجاه طوّه
يا طامي المنصور .. ركز بما سيق = يعلم الوقت الرجل من عدوّه
أيامنا تكشف خفايا الصناديق !! = ويوضح دنوّ الشخص ولاّ علوّه !!
من غير قاصر فالرجال المطاليق = ( خوتك ) تبقى غير عن كل خوّه

[/poem]




وسلامتكم ..