هـــدوء.!

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صوروني وأرسلوا له صورتي بعـد المفـارق=بس أبيه يشوف وش كثر الفـراق أثّـر عليّـه
ويظهر (إ)من (إ)صوري الاولى والجدد سبع الفوارق=يكتشفها صورةٍ فـي شمـس والأخـرى بفيّـه
نظرتي عقب المفـارق ريـحٍ تـدكّ البيـارق=بعد كانـت نظرتـي قبـل المفـارق عاطفيّـه
والدموع لها بخـدّي مثـل توشيـم المطـارق=فوح دمعي فوق خـدّي مثـل فـوح الشاذليّـه
وإصفرار الوجه من شوق اللقاء في الشكل فارق=ناشفٍ دمّ العروق مـن الغـلا والـروح حيّـه
وإبتسامات الحجاج اللي مثل شمـس المشـارق=أصبحـت عقـده مافيهـا لــلأوادم قابلـيـه
والفم اللي ماشكى ضيم الدهر والقيض حـارق=من ضمى شوقك ملامح رقّته صـارت خفيّـه
والجبيـن اللـي منـوّل فيـه للآمـال بـارق=غيمة اليأس حجبت نوره بـلا ذنـب وخطيّـه
والجسد غصنٍ قبل وقت الخريف العـام وارق=ومرّ به وقت الخريف وصارت فروعـه خليّـه [/poem]