قطاع العسكريه منجم الابطال والشجعان *** ومصنع للرجال وللنشاما والفروسيه

.

.

.

بسم الله الرحمن الرحيم

تمت دعوتي لحضور امسيه ضمن البرنامج الثقافي لسجون مكه المقام للضباط والافراد العسكريين

والضيوف من منسوبي سجون مدن المملكه الأخرى بتاريخ 6/12/1430هـ

فكانت هذه المتواضعه , اسمحوا لها بالمرور

.

.

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
تباهي يا هجوسي وانتشي يا غيمة القيفان=ورفرف يا خفوقي بالفخر سر وعلانيه

وهلي يا سحابه من سماك الماطر الهتان=تربع به قلوب مربعه وقلوب مسنيه

قصيدي ويش عذرك من جنود الحق والايمان=تولم واسرج خيولك لهم بحروف ماسيه

توشح بالجزاله والبس الابداع لك تيجان=ونوخ كلمة الابداع معقوله ومثنية

سلام الله سلاما ما يخص فلان والا فلان= سلام يزيل شك نفوسنا والنيه النيه

سلام الله سلاما من هطوله تورق الاغصان=لوان ارض المشاعرمن حقوق الوسم مرويه

سلام الله بريح الورد واليشموم والريحان=سلام الحب ما اقصد فيه لا هذي ولا ذيه

لمنسوبي سجون المملكه من رفحه لنجران=صروحا من صروح المملكه عالعدل مبنيه

صروح الوعظ والاصلاح والتهذيب للغلطان=تنفذ حكم شرع وتردع الغلطان عن غيه

على مجهودكم واخلاصكم ما نطلب البرهان=ماْ دام الدين مصدر دعمكم وقلوبكم حيه

قطاع العسكريه منجم الابطال والشجعان=ومصنع للرجال وللنشاما والفروسيه

ولاننسى الجنود اللي تقاتل زمرة الشيطان=تدافع في بساله عن مناطقنا الحدوديه

نرد المعتدي ما نبتدي بالظلم والعدوان=من الاثنعشريه شرذمة تضليل زيديه

ترون الحيه اللي راسها موجود في طهران=عقول الباطل تْصور لهم غايات وهميه

لنا اللي عندنا والنصر يشهد له جبل دخان=نقص الذيل والله له نظر في باقي الحيه

تسامي يا بلادي يا بلاد الحق والقرآن=تسامي وارفعي رايات نصرك يا السعوديه

وانا مومن ومخلص لْلمليك ونايبه سلطان=مواطن غيرتي لاجل الوطن ما هي بعاديه

مواطن والمواطن عسكري بس خارج الميدان=عيونه عالمخالف للنظام بدور دوريه

مواطن عسكري ما تفرق الكل فالبلاد اخوان=تجمعنا الديانه والنسب واعز جنسيه

سعوديين نفخر في وطنا درة الاوطان=يدوم الحكم ويعيش المواطن في رفاهيه

سعوديين نحيا في ظلال الامن والايمان=لنا عيش الرخا وتراب بعيون الحسوديه[/poem]

.

.