(*(( السبعه ))*)

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


بدت ريح الخريف تجاذب غصون الغلا ياهمّ = هنيّك ، بشّر اخواتك بها واخوانك السبعه
اخوك .. الحزن ، والليل العتيم ، وحضرتك ، والغم = وخواتك .. ضيقة الخاطر ، وبنت النار ، والدمعه
هنتك الريح .. يامجموعة إحساس الشقا الملتم = هنتك اوراق عمري .. والزمن غدار في طبعه
اهيم بكل وادي (كيف) .. واترك كل وادي (كم) = على ذمة قمر خمسة عشر .. لي فالسما طمعه
أسافر ، والسفر قطعة عذاب يمرّني مهتم = غريبٍ ، مالقى غير الجفا فااحبابه وربعه
نعَم ، طاحت طيورك ياسما صدري بغبّة يم = ولا ياليتها ماحوّلت فاليم .. مجتمعه
تعبت اقول رغماً عن ضميري للزمن .. ياعم = واثر من صايرٍ عمه زمانه .. مالقى شبعه
وانا وشلون ابضمى من دموعي .. والرزايا جم = وحلمي شايبٍ طاحت سنونه .. واختلف سمعه
اخاف يموت قبل آموت ، وتصير النتيجه (لم) = وتبكي نيةٍ بيضا ، وتفرح نيّةٍ دبعه
وانا ماني بحيّا الله فتى لو صوّتوا له سم = خذا اللي يعكس طموح الصغير ، وولّع الشمعه
تهادي ياقدم رجلي على دربك .. وقولي : تم = لو انّ الياس ، عيّا لا يورّيه الأمل نبعه
مشى بك لغز .. من عظمٍ يغطّيه اللحم والدم = تزيد اصعوبته ، مع كل رمعه قبلها رمعه
لقى ريح الخريف تجاذب غصون الغلا .. والهم = لقاه يبشّر اخواته بها واخوانه السبعه





[/poem]