حريتي و آدابي ..!

مساء / صباح .. الخير ،
متواضعه للتواصل لعلها تجد شيء من القبول ..



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ليلة شتاء عفويه=مرت علي بـ كل تلقائيه !
من اول الليله .. لأخر لحظه=ما كانت الليله ابد عاديه
سهرت اسولف لـ النجوم ونفسي=عن كل حاجه ما هي بـ ( سطحيه )
سهرتها ما لي حبيب يسولف=لو كان محبوبي على طاريّه
اصغر تفاصيله .. حكايه حلوه=غلاه ما هو مسألة وقتيه
محبته تكفل سعادة قلبي=يا حي طاريّه .. هلا يا حيّه
احيان احصل راحتي فـ ( الوحده )=وانا مااحب العزله النفسيه
هذا تناقض .. قد يقول القائل=مرات انه ميزة الشخصيه
لذا .. اجمّع ما يجي في بالي=واعلقه في حبالي الصوتيه
لو كان صوتي .. بحته ما تساعد=امن القصايد شلت لي حصريه
شاعر شعوري ينجلي فـ ( اشعاري )=واضيف له لمساتي الفنيه
على حسب فهمي وحسب اسلوبي=احسب حساب الوزن والقافيه
احيان ما يقدر يعبر عني=واحيان يكتبني 100 %
كم شخص غالي راح ماله عوده=عجزت لا اكتب عنه في مرثيه
ما جيت اشارك به .. بـ ( خالف تعرف )=و اناشد المسؤل بـ ( الحريه )
حريتي .. مهذبه .. بـ ( آدابي )=و آدابي .. اصلاً مسألة دينيه[/poem]




وسلامتكم !