ـــ بـحـر الـغـرام ـــ

نص متواضع .. ارجوا ان يكون بحجم هذى الصرح ومبدعيهـ ..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حاولت !! قلت آعلم الصمت الكلام = لقيت في بعض الكلام احيان صمت

وبعض الكلام ايثير فيك الاهتمام = ولو ماحكيت اللي على بالك ندمت

احيان اشوف ان الخصام مّن الوئام = لا خاصمك خصمك وخاصمت وخصمت

واحيان اشوف ان الوئام مّن الخصام = لا خاصمك خصمك وخاصمت وشتمت

زيتونتك يا غصن طار بّها الحمام = ومن طار من غصنك عنه يا غصن صمت

حمامتك وشلون ترمز لسلام = وانت السلام اليا صحى يا غصن نمت

تنام وعيوني لعينك ما تنام = عرى السهر عيني لعينك وانحرمت

نزوات حبك في جسد حبك جّسام = وياكثر ما شال العتب كتفي وقمت

آقوم وعيون الرضى فيها ملام = واضحك لو انك لجل عيني مابتسمت

اهديت لك عمري .. لكن قتلي حرام = مسلم وسلمتك حياة ولا سلمت

حنا عطاشى فيك يا بحر الغرام = تصافق امواجك وعمرك ما رحمت

غرقاك ماتوا فيك من كثر الهيام = وعلى ضفافك كم تخيلت وّرسمت

قلب" تعلم فيه طعنات السهام = واكتب على وجه الثرى " ياما انظلمت "

وتاخذني احلامي على حد الغمام = ويصحى بي الواقع ويقطع ما حلمت

انا سجين الليل يا نور الظلام = يا صبح نورك وين من ليّلي سئمت

تعال آبـ ثّمل في صباحك لين انام = وآقوم واحكي لسهر وشلون نمت

وختامها مسكك .. ومن مسكك ختام = وسلمت " يا اروع من رأيت عيني " ودمت
[/poem]