أقبح ثلاثة شفتهم في حياتي ؟؟؟

السلام عليكم

أبيات بسيطة للتواصل

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ياناشدٍ عني وعن ذكرياتي=مانيب قايلك بجاوبك بعدين
بقعا تصادمني من أربع جهاتي=أروح منها وين وإلا أتجه وين
دورة رحاها عام وأنا رحاتي=نصيبها من دورة العام يومين
من خوفي إمن سنيني المقبلاتي=ودي أعود من زماني سنتين
قبل تعرف صدقي من مجاملاتي=ماشفتني منها خسرت الكثيرين
خسرتهم وأغلقت باب أمنياتي=ومات الشعور وجارك الله من الشين
لو البلادة وقتها من صفاتي=ماكان شبت وعاد عمري ثلاثين
أسج بعض أحيان وأرجع وأحاتي=وأقول وش حنا من الخلق راجين
من تجربة واقع ومفهوم ذاتي=الكون فيه أموات بأجساد حيين
قومٍ روابعهم ضياع وشتاتي=لعلنا منهم بربي غنيين
أخرجت فأصحاب المصالح زكاتي=نصابهم لاغلق الحول ثلثين
لي وجه وأظهربه بعزم وثباتي=على النقا ماعشت عمري بوجهين
الآدمي لأخطى سبيل النجاتي=اول مايفقد فاللزوم الموالين
من مولدي وإلين ساعة وفاتي=وقناعتي فالناس تبقى لهالحين
أقبح ثلاثة شفتهم في حياتي=النذل والكذاب ومفرق البين
[/poem]

وسلامتكم