فان كوخ

السلام عليكم ورحمة الله وبركاته
مساء الخير جميع






سير ياشعري على هونك وحاسب فالخطوط
طيعني والزم مسارك لايجي فيك اختباط

كان تبغى الناس تسمعنا تقيّد بالشروط
والصراحه واحترام الذات أول إشتراط

لاتلمّع فالقزاز ولاتلمّع فالجنوط
يرحم الله والدينك فكّني من بيب طاط

لاتغرّك وفرة المعروض لو كان مخلوط
كثرة المخلوط في جسمك تسبب إنجلاط

فان كوخ ابدع وهوفنّه عباره عن شخوط
واذهلتنا يوم سلمت من فساد الإختلاط

لاتصير لكل مجلس ينفتح عجل وقلوط
المجالس مكسبك من بعضها حبة طماط

القويه تلّها من غادِ بذراع اخطبوط
والضعيفه دفّها من فوق صلعة جنبلاط

الدّلي المايحه وشلون تجذبها الخيوط
منكره حتى يلج سمحان في سم الخياط


لو مضالك في مضامير السّفه تسعين شوط
هو جوعك نفس جوعك مايغديك الشياط

كل لحيه ماتعدّى لين تفليها المشوط
انتبه ياشعري الحبّوب لاتغدي مشاط

هاه ياشعري عسى ماني على مثلك غلوط
معذره بس النصيحه واجبه للإحتياط

فيه يوم وفيه ساعة خير مامنها قنوط
السلامه فالتأني والتهور إنحطاط