ختــم التجــآريب ...

_ اسعد الله مساء الجميع
ودمتم بخير ونقاء وصحة بلا شقاء ..



كالعاده جئت
بنصي المتواضع ..



[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شمّت علَيْ بعض البيوت اللي صخّرها من نظم = فرايده عقد الزبرجد والذهب هندامها
ومزبانها قلب ن شقي جآته مثل حذفة سهمم = وصآرت منبّه للقريحة والسهر لنيامها
طرّت علَيْ وقت ن مضى مآشفت من كفّه كرم = مآغير سور احلوق عبّادة سنا لوّامها
وقت ن مضى فيه البخت رجوى فوايد من صنم = يومن بعضها حظها يعطي بثقل اجسامها
حظ ن مثل ذر الدقيق اللي على روس السلم = صيد الهبوب اطيّره من عَصفها لا انسامها
وقت السباع اخصومها شِهب الثعالب والبهم = واول تبوج البيد هيبه شرقها لاشامها
دنياًمثل صب السقطري حدر مردوم الشحم = دنياً على الباتوع غارتها وسل احسامها
تلقى الردى بااكنافها متوالد الا من رُحِم = مسعى فلس والجمّه العذبه قليل ازحامها
ولاسلّم الهم وذلف داقش لهم ن واستلم = خفارة ن ماتنتهي قلبي محط اعلامها
كنت احسب الهرّاج في ظهر البشر يبطي عظم = لين الخدوش استشرست مافاد طول الجامها
ياطيب خاطر واثق الخطوه صِبَر عَزْم وجَزم = لاجا يهديّها كفخ بين الضلوع احدامها
واللي شكا واللي بكا من دنيته وش ينتقم = خَصمه رسَن عقله وجيفتها على قمّامها
بعض الاوادم لاذكر لاخير فيها لانعِم = والبورصه لاطبّها حققّ كبار ارقامها
ماللتمنى في حياته لالزوم ولاحلم = مادام الاشيا قدم عينه يخدمه حكامها
وبعض الاوادم والنعِم مجمع نواميس وشيَم = ودنياه معطيته قفاها شالعات اخيامها
لاقال ياحظ المعونه : فزعتِك ماقال سم : = لاصب ماها بقربِته حوّل سدى بااخرامها
واكبر قهر شوف القريّب في ثياب اخطر خَصم = لاهو صديق ولا عدو والنفس مات اريامها
ثم صرت بالع جمرته حشمه .حيا. ابكم اصم = كله مقابل مايجوز النفس قَطع ارحامها
العوج من حاول يعدّلها يكفّه تنقسم = والا السنَع نقلَة وحَش . والناكسه لحيامها
واللي خطا يبقى خطا لو كان ماجاله حكم = المجرمين احيان ماتلقى جزا لااجرامها
والطيب الاصل وينذكر له لو فنا رسم وأسم = فرض ن على الاحرار مثل اقيامها واصيامها
والا الردى مثل انتظار المد من كف العدم = شمعة سهر لو نوّرت زوالها قدّامها
وقالوا شبا رمح الهلالي مايصيب الا اللحم = فريّس باقي فعلها لو مالحقت ايامها
واقول انا رمح الهلالي ضربته ادهى وآطم = لاصارت الحاجه بيدين اللي تلوّى ازقامها
لاابوك ياشي يجي بااحفاي وادمايَة قِدَم = ودي خشوم الغطرسَه بالقاع فَرك اعرامها
والا الوجَع واقوى ثقل واللي مخاواته ندم = دَين ن يزول بدين في فزعه ندَم صمصامها
والدين سقم اليا كبَر والا صغَر ماله حجم = ولاصارت الطعنات واجد ماتطيب اسقامها
قلته وانا عمري ورا العشرين تسع بلا وهم = آخاف يقفاها سنين ن شرّها بااقدامِها
وان ناحرَت في سوّها باارفع له راس العلم = كف ن تعذّر لويَها . سلامتي خمخامها
واطيب لي اقضي مابقى بين المدينه والحرَم = ومتوني الهلكا مسآج اتعابها بااحرامها
دام العمار اغروس والحصّاد من منّه سَلَم ؟ = جمع الحساني فوز والهمّه لها نهاّمها
شفت وعرفت وصرت من قسوَة تجاريبي خَتم = والله يكرّم شاربي عن رجسّها وازلامها [/poem]



وسلامـــة الجميع ..