قصيدة للامير محمد الاحمد السديري ومجاراتي لها

قصيدة الامير محمد الاحمد السديري رحمة الله علية

لولا الرجا و أعلل القلب بوعودبوعود خل صار شوفه شفاقـه
لولاه ماروضت نفسي على الكودومن كل خلق الله عشقته عشاقه
اختار قلبي بالهوا ناعـم العـودما غيره أحد بالمخاليـق شاقـه
طفل عليه من البها ستر و عقودزين القوام اشباه وجهه دقاقـة
ان كان شفته فتح القلب بـورودو ان غاب دايم دمعتي من فراقه
طفل سحرها روت بشفاه منضوداللي نهب مكنون قلبي سراقـه
مادام هو ماجود فالحب ماجـودوسط الضماير مبهمات حلاقـه
يا ناس أنا أحبه ولا فيه منقـودوقلبي لغيره ما يعرف الصداقـه
يا ناس حبي له بلا سلم و حدودو فراق روحي من سبايب فراقه

مجاراتي لهاا تقبلوهاا بصدر رحب

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

حرك شجوني نبع الابداع والجـود =بقاف قطف من ورد الابداع باقـه
شيخ رقى بالمرجله شامخ الطـود =مرحوم راس المجد رمز العراقـه
ذكرني اللي قادنـي للفـرح قـود =وانا منـول معـه مملـك علاقـه
من قبل اعرفه درب الافراح مسدود =دايم وانا والحـزن ربـع ورفاقـه
وبعد عرفته غايتـي سيـد الخـود =ما عاد لي في ذود الاحـزان ناقـه
نفض غبار الحزن عن مكسر العود =واشعل به الفرحه وفـاح احتراقـه
حبه ما يبغالـه براهيـن وشهـود =يلقاه لو يفتح علـى القلـب طاقـه
سيف الوصل في وجه فرقاه مجرود =وله موقع فالقلب صعـب اختراقـه
مركب غلانا تدفعه نسمـة النـود =زود الغلا في بحر الافراح ساقـه

[/poem]

وسلامتكم
عواض بن سالم العتيبي