بـــــــــــاقـــــــــه

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سلام من خاطر اللي يعلن افراقـه=توديع غالـي لغالية ٍ مودعهـا
سلام من شاعر ٍ قد خربت اخلاقه=وشانت نوايا العرب وابليس يدفعها
سلام من بابهم وإلا مـن الطاقـه=وإلا يمين ٍ تودع قلـب موجعهـا
سلام يأجمل زهـورٍ تجمعه باقه =بجلال وإكبار من روحي ومقنعها
سلام من جذعها لاطارف اوراقه=لاعرقها يوم يشرب من منابعهـا
سلام وثنيه ماني قاطـع الساقـه=واجمل تحيات قلبي يوم اجمعهـا
سلام ٍ احلى يافاقة ٍ عقبها فاقه=دام الهواجيس دكت من مضاجعها
واقدمـه للـذي للطيـب سباقـه=ربع ٍ بها الطيب راسخ في طبايعها
والعذر منكم ولاهي درق دراقـه=دنيا عسى الله يكافينـا طلايعهـا
مادمهـا جـات خيالـه وتفاقـه=والمشكله ماعرفنا ويـن مفرعهـا
طالت وكبرت وراحت كنها اسراقه=حدر القمر روحّت تبرى قلايعها
في غفلة اللي يقول العلم ماراقه=غنت مواويلها والناس تسمعها
وطبل لها اللي غدت غايّته واشواقه=يموت لو طاف يوم ٍ ماتسمعها
حتيش لو كان ركز صامل احداقه=طافت ولا عاد يمدي انه يرقعها
لان البلاهه ماتخّلق كود في عاقه=الله خلقها كذا والله يسنعها
تغير البيت في مبنـاه ورواقـه=والتاجر احتار في نادر بظايعهـا
مصيببة القوم يوم القوم غداقه=من ذلها قامت تسّكر مسامعها
كيف الجمل لاهدر ماتبرك الناقه=بخطامها والعصى ماعاد تردعها
عشنا وشفنا مغيب الشمس واشراقه=ونجوم كبد السما نعرف مواضعها
اما توحى الرعد وتشوف براقه=والا الذواري غروس الود تقشعها
عجايب الكون يوم تغوص بعماقه=واليوم الاخر تقول الله يقلعها
اسف على اللي توحيتوه واستاقه=الهاجس اللي حداني لين ولعها
هذي تحيات بندر واجمل اذواقـه=تقدير في شاري السلعه وبايعهـا [/poem]