الحروب البارده ...!

السلام عليكم ورحمة الله وبركاته
كل عام وانتم بخير << وده يقولها له اسبوع ولالقى مناسبه


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحروب البارده لو طولوها احترّت =وانهكت صبري وطاحت للهموم اسواري
كيف ابثبت للشهور ان السنين افترّت =وكيف ابثبت للنصيب ان الطموح أجباري
العيون بماتشوف من الوجيه اغترّت =والصدور الليل الاسود والمصدق ساري
الوقائع والحقائق بالادله عرّت = القلوب اللي بتوليف القلوب تماري
طاحت من اعلى وفي قاع النوايا قرّت =جاري التعديل والتنظيف منها جاري
سبحةً فيها خرز تليتها وانثرّت =مابقى لي غير سلكاً من خرزها عاري
الدلائل اتهمت ولا ظنوني برّت =ياظنوني طلعيني فالسعه واحتاري
الهبايب كل ماهبت عليه طرّت = كل طاري مرني وانا مابي له طاري
ليت للذكرى حدود تحدها لامرّت =كان قلبي من متاعب ذكرياتي باري
كل حاجه ما افادتني بحاجه.. ضرّت =والمضره اتقبلها... وكني داري
جتني ايام السنه تسحب بعضها وجرّت... =من يدي بيع المتاعب وانتحت بالشاري
لو شمس الحلم من مشرق طموحي ذرّت =اكشفت سود الوجيه وحقدها المتواري

[/poem]


..