كوكتيلات براقيه

(((( برج إيفل بتاريخ 2 /3 /1431 هــ ))))

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالصبر فر الياس وإنهل النصيب = وقالت هواجيسي بفكري مشها
قلت الهقاوي ياهجوسي ماتخيب = ومصير زراع النبات يحشها
مال النصيب ألا يجيب اللي يجيب = والياس يرجع والكفوف يخشها
ماني بعايد قصة القلب اللبيب = واللي نفخ قربة زمانه فشها
دام العطاء من عند رحمنٍ رقيب = يافال غد أهل الوجوب وعشها
ماعاد ( ياعزام ) بالدنيا غريب = دنياٍ تغش اللي يريد يغشها
أسج رجلي صاملٍ ماني مريب = يوم الحرار الشقر تترك عشها
و(عنك) أجيها لأجل شيبان وصحيب = والجش لا بوها ولا بو جشها
لو كان صفوى مالها مني قريب = خليتها وديارها مادشها
لكنها بالقلب من قدر الحبيب = اللي عروق الود مر ولشها
ربعك بني خالد هل المجد الرحيب = وأمجادهم مزنٍ تهامل رشها
وربعي عتيبه شمس لايمكن تغيب = تنطح جبال المعجزه وتطشها
كلٍ على قدره ومداته يطيب = وأهل الوشايه ماتسمع وشها
واللي ضلوعه كنها الغصن الرطيب = لا بد بارود الزمن يقتشها
إسال مجرب شاف لا تسأل طبيب = شاف الزوابع يوم بثت دشها
لكن ماله غير يعطيها صليب = ولا تشيله ضمن باقي قشها
ركبت برج إيفل ولو إنه صعيب = وشفت الليالي صلبها مع هشها
والناس تركض بين مطلوب وطليب = مثل الرعيه والزمان يهشها
والذيب له دمعه من الجرح العطيب = لكن من صكة زمانه مشها
[/poem]